ولایت کینگشی نامزدلری نینگ تحصیلی حجتلری تیکشیریلیشی باشلندی

شکایت لرنی تیکشیروچی کمیسیون ولایت کینگشی اوچون نامزد ایتیگنلردن تورت یوز کیشی نینگ تحصیلی حجت لرینی کوریب چقیشینی باشله دی. بونامزد لرنینگ تحصیلی حجت لری اعتبار جهت دن شبهه آستیده بولگنی باعث حجت لری تیکشریلیشی گه قرار آلینگن.

ولایت کینگشی سیلاوگه نامزد اوچون رسمی تحصیلی حجت گه ایگه بولیشی قوییلگن شرط لردن بیردی.

شکایت لرنی تیکشیروچی مستقل کمیسیونی نامزدلردن تورت یوزته سی بو شرایط گه ماس بولگن بولمه یشینی انیق لش اوچون تیکشروو ایشلرنی باشله دی.

عینی مقصد بیلن بوگون ایسه توقسن نامزد اوشبو کمیسیون گه چیقریلگن ایدی. کیله جک اوچ کون جریانیده تحصیلی حجت لری اعتبار جهت دن شبهه استیده بولگن تورت یوز نامزد نینگ تحصیلی حجت لری کوریب چیقیله دی.

شکایت لرنی تیکشروچی کمیسیون سوزچیسی نادر محسنی ، افغانستان معارف وزیرلیگی بو نامزدلر نینگ تحصیلی حجتلری بولمه گنی حقیده خبربیرگنینی معلوم قیلیب بوحقده شوندی دیدی:"افغانستان معارف وزیرلیگی تمانیدن یوباریلگن رویخط ده بو شخصلر تحصیلی حجت لرگه ایگه بولمه گنی قید ایتیلگن . باشقه لر حقلری تلف بولمسلیگی اوچون بیز بو توقسن کیشی نی عمومی و علنی جلسه گه چیقیرگن ایدیک."

اما شکایت لرنی تیکشیروچی کمیسیون مسووللری توقسن نامزد نینگ تحصیلی حجت لری بوگون تیکشیریلگنینی ایتدی. خوب معارف وزیرلیگی رویخطی اساسیده بوشخصلر تحصیلی حجت گه ایگه بولمه گنمی؟ نادر محسنی بوحقده شوندی دیدی:"بوییرگه چقیریلگن شخصلر نینگ اکثری سی معارف وزیرلیگی رویخطی گه قرشی تعلیمی حجتلری نی بیزگه کورسه تدیلر بیز بیرمه بیرتیکشیردیک.بیرنیچه نامزد ن باشقه همه لری قانونی تعلیمی حجت گه ایگه ایکن."

افغانستان بویلب ولایتی کینگشی سیلاو اوچون 2700 گه یقین شخص اوزلرینی نامزد ایتگن . اولرنینگ یاشلری هم بوندن آلدین تیکشیریلیب قریب قیرق بیش کیشی یاشی پس بولگنی ایتیلیب نامزدلر رویخطیدن چیقه ریلدی. ولایتی کینگاش اوچون تبلیغی برنامه لر حوت آی نینگ اون اوچینچی - رسمی شکلده باشلنه دی.

باشقه تماندن جمهوررییسلیک سیلاو نامزدلری نینگ تبلیغی برنامه لری هم یولگه قویلیب کیلینماقده. کابلده یوزلب کیشی یغین اویوشتیریب نامزد لردن بیری گل آغا شیرزیدن حمایت بیلدیردی. شونینگ دیک نامزد لردن باشقه بیری اشرف غنی احمدزی دن حمایت بیلدیریش مقصدی بیلن فراه و فاریاب ولایتلریده یغین اویوشتیریلگن.