غورده مسوولیتسیز قوراللی لر قانون تطبیقیگه توسقینلیک یره تماقده لر

افغانستان انسان حقلرینی سقلش مستقل کمیسیونی غور ولایتیده مسوولیتسیز قوراللی شخصلر موجود لیگی، بو تشکیلات فعالیتلریگه معما یره ته یاتگنیدن خواطر اظهارایتگن.

انسان حقلری مستقل کمسیونی غورده گی مسوولی نینگ بی بی سی گه ایتیشیچه، مینگلب مسوولیتسیز قوراللی لر قانون تطبیق ایتیلیشیگه توسینقلیک قیلیب، نامعقول عنعنه لرگه قرشی کوره شیش اوچون معما یره تگن، بومساله انسان حقلری ایاق آستی بوله یاتگنی گه زمینه یره تیب بیرگن. غور رسمیلری هم انسان حقلری کمیسیون مسوولی اظهاراتینی تصدیقله گنلر.

افغانستان مرکزیده جایلشگن غور ولایتی برچه تومنلریده قیته قوریش و قوریلیش ایشلری کوتیلگنیچه عملی بولمه گنی ایتیله دی. بونگه اساسی عامل ناتینچ لیک لر سبب قیلیب کورسه تیلماقده.

اوشبو ولایتده یتتی اون مینگگه یقین مسوولیتسیز قوراللی کیشی لر موجودلیگی تخمین ایتیله دی. بو قوراللی لر ایسه انسان حقلرینی حمایه ایتوچی برنامه لرنی یولگه قوییلیشی هم توسیق بولگن. افغانستان انسان حقلرینی سقلش مستقل کمیسیونی نینگ غورده گی مسوولی جواد رضایی اوز خواطرینی بوحقده شونده ی بیان ایتگن:"ناتینچ موجود بولسه قانون حاکمیتی باره سیده صحبت قیله آلمه ی میز، همده عدالت نی تامین ایته آلمی میز. شونینگ دیک عایله وی زوروانلیک ؛ ناپسند عنعنه لر عیاللر حقلرینی ایاغ استی ایته یاتگن موضوع لر گه روپه ره بولیب توریبمیز."

هر ییلی عایله وی زوروانلیکلر، جنسی تجاوز و صحرایی محمکه لر غور ولایتیده رویخط گه آلینه دی، لیکن بوخصوصده هم رسمی رقم موجود ایمس:"ایریم زوروانلیک لر انسان حقلرینی سقل مستقل کمیسیونی و محکمه لرآرقه لی رویخط گه الینیشی ممکن اما چیککه حدودلرده کوپلب زوروانلیک حاللری یوزبیره دی شوندی حادثه لر اصلن رویخط گه آلینمیدی. دیب ایتگن انسان حقلرینی سقلش کمیسیون مسوولی.

غور ولایت اهالیسی اوته کمبغل ایکنی ایتله دی، انه شو مسله باعث حتی یاشینی تویلدیرمه گن قیزلر زوردن تورموشگه چیقه ریله دی. غور یشاوچیلریدن عاطفه شریفی شونده ی بیرحالت گه گواه بولگنینی حکایه قیلیب بیردی:"بیرکون مکتب قره ب کیته یاتگنیمده قریب اون یاشیده بولگن بیر قیزنی بیر عیال بیلن کوردیم.اوشبو عیال دن بو قیزنیمنگ بوله دی دیب سوره دیم. او ایتدی کی بو قیزیم بوله دی دیدی نیگه کیچیک یاشیده توی قیلدیز دیب سوره گنیمده کمبغلیکدن قیزیمنی تورموشگه چیقه ریش مجبور بولدیم دیب جواب بیردی."

غور ولایتی امنیتی رسمیلری هم قانون نی یخشی شکلده بو ولایت ده تطبیق ایتیلمه یاتگنی گه قوراللی عصیانچیلر اصلی عامل ایکنلیگینی تن آله دی. غور ولایتی نینگ پلیس اداره باشلیغی دلاور شاه دلاور بوحقده شونده ی دییدی:"غور ولایتیده غیر مسوول قوراللی لر فعالیتی اساسی قینچلیککه سبب بولگن. غیر مسوول قوراللی لر مردمنی گیروگه آلگنلر. اولرنی یوق ایتیش اوچون بیز ایککی ییلدن بیری فعالیت قیلیب کیلماقده میز. اولر اوزیدن اوزی تاپیلمه گن لربلکه یوقاری مرتبه لی مقاملردن تمانیدن حمایت بوله دیلر."

غور ولایتی نینگ ایریم تومنلریده افغان امنیتی کوچلری مسوولیتسیز قوراللی لر اره سیده انه سنده توقنه شوولر یوزبیریب توره دی. غیر مسوول گروه لر یینگل و آغیر قوراللر بیلن جهازلنگن، اما امنیتی کوچلر سانی آز بولگنی اییتله دی. اما شونده ی بولیشیگه قره مسدن امنیتی مقاملر اوتمیشلرگه قره گنده وضعیت بیرآز یخشیلنگنینی ایتماقده لر. مسوولیتسیز قوراللی لر نه فقط مرکزی غورده، بلکه افغانستان نینگ باشقه ولایت لریده موجودلیگی جدی خواطرلرگه سبب بولگن.