فاریاب ولایتی نینگ قیصار تومنیده 6محلی پولیس هلا ایتیلگن

طالبان گروهی کونیکیچه ساعت ایککی اطرافیده قیصار تومنی نینگ اوزبیکیه منطقه سیده گی محلی پولیس پوسته لریدن بیری گه هجوم قیلگن. نتیجه ده 6پولیس هلاک بولگن.

قیصار تومنی نینگ حاکمی عبدالجمیل صدیقی مذکور حادثه نی تصدیق لب، طالبان گروهی کیچه ساعت 2ده گروهی شکلده پوسته اوستیگه هجوم قیلیب، عاقبتده 6پولیس نی هلاک ایتکنینی معلوم قیلدی.

تومن حاکمی گه کوره، حادثه ده بیرنیچه طالب هم هلاک بولگن. حاکم هلاک بولگن طالب لر سانی انیق ایمس لیگینی ایتماقده.

حاکم نینگ ایتیشیچه اوروش یوزبیرگن منطقه تاغلی منطقه بولگنی سبب، تینج اهالیگه هیچ قندی ضرریتمه گن.

ولایت محلی مسوللری هنوز گه قدر حادثه حقیده معلومات بیریش دن باش تارتماقده لر.

طالبان گروهی هلی گچه بوحقده هیچ نرسه دیمه گن.

فاریاب ولایتی نینگ بیرقطار تومنلری سونگی نیچه کون ایچیده قطار ناتینچ لیک لرگه گواه بولیب کیلماقده. اوتکن کون اوزیده فاریاب ولایتی گه قره شلی خواجه سبزپوش تومنیده یوزبیرگن ایککی ایری پارتلش نتیجه سیده کمیده ایکی کیشی اولیب، باشقه 6کیشی هم تن جراحتی آلگن ایدی.