هالیوود یولدوزلری افغان عیاللری اوچون بریتانیا باش وزیریگه مکتوب یول له دی

هالیوود سینماسی نینگ مشهور یولدوزلریدن کیرا نایتلی و سلما هایک بیریتانیا باش وزیری دیوید کامرونگه مکتوب یوللب، افغان عیاللري حقلریني حمایه قیلیشینی طلب قیلگن.

خارجی کوچلر افغانستاندن چیقیب کیتگنیدن سونگ، افغان عیاللري حقوقي رعایه ایتیلیشی حقیده ایشانچ بیلدیریلیشی کیره کلیگی اولر تامانیدن طلب قیلینگن.

بریتانیا نینگ مشهور یولدوزلری جوزف فینس، مایکل شین وباشقه بیر قطار مشهور سینما یولدوزلری اوشبو مکتوبگه امضا قوییگنلر.

مکتوب نینگ بیربولیمیده شونده ی یازیلگن:" اوتگن اون ییل جریانیده افغان عیاللری سیلاولرده فعال اشتراک ایتدی، فرزندلرینی مکتبلرگه یوباریشلری بیلن طالبانی انديشه گه مخالف ایکنلیکلرینی کورسه تدیلر. ایندی لیکده بو عیاللر کیله جک لری باره سیده خواطرده."

همده هالیوود یولدوزلری دیويد کامرون گه یوللگه گن مکتوبیده اوتگن آلتی آی جریاینده تینچلیک و رواجلنتیریش برنامه لری خصوصیده فعالیت آلیب باره یاتگن بیرقنچه افغان عیاللري اولدیریلگنی قید ایتیلگن.

شونینگ دیک، هالیوود یولدوزلری عیاللر حقلرینی تامینلش اوچون کیله جک جمهور رییس دن وعده آلینیشینی بریتانیا باش وزیریدن سوره گن.

عیاللر حقلرینی تامینلش اوچون خلق ارا عفو تشکیلاتی تمانیدن یولگه قوییلگن کمپاین نی بیر قسمی بولگن.

باشقه تماندن ایککی افغان عیال تدبیرکاري سککیزینچی مارچی کونی مناسبتی بیلن قابل عیال مكاتيگه سزاوار تنيلدي.

آمنه حسينی اوته مركب شرایطده مرکزی بامیان ولایتیده عیاللر وضعیتی نی صورتلر آرقه لی کورسه تیب بیرگنی اوچون همده شریفه دانش کوپ شعر یازیب وعیاللر توغریسیده ایجابی ایشلرقیلگنی اوچون مكافات گه سزاوار تنیلدی.

بو سوغاایسه اوتگن کون استقلال لیسه سیده فرانسه و جرمنی دولت لری نینگ افغانستانده گی ایلچی خانه مسووللری تمانیدن بو ایککی عیال گه تقدیم ایتیلدی. اوشبو مناسبت بیلن اویوشتیریلگن یغینده بیرقنچه افغان مقاملری هم حصصه قوشگن ایدی.