جمهوررییس کرزی نینگ بیرینچی اورین باسری قسیم فهیم دنیادن اوتدی

افغانستان جمهوررئیسی حامدکرزی نینگ بیرینچی اورین باسری محمد قسیم فهیم یورک کسللیگی باعث دنیا دن اوتدی ، جمهوررئیس لیک سرای تامانیدن ترقه تیلگن خبرنامه ده قسیم فهیم اولیمی اوچون اوچ کون ملی ماتم اعلان قیلینگنی خبربیریلگن.

افغانستان جمهوررئیسی حامدکرزی قسیم فهیم اولیمینی کتته بیر ضایعه بیلیب تسلیت ایتگن. فهیم قسیم اولیمی مناسبتی بیلن اوچ کونلیک ملی ماتم اعلان قیلیب افغانستان بیراغی یریم توشیریله دی.

افغانستان جمهوررئیسی حامدکرزی ایچکی ایشلر وزیری و باشقه قطار کابینه اعضالری قیغوداشلیک اوچون قسیم فهیم اوییگه بارگن.

دولتی باختر خبر آژانسی هم محمد قسیم فهیم یورک کسللیگی باعث دنیادن اوتگنی باره سیده خبر ترقه تگن.

قسیم فهیم سابق جهادی رهبرلردن بولیب جمهوررییس کرزی نینگ بیرینچی اورین باسری صفتیده وظیفه آلیب باررایدی . او بوگون 56 یاشیده دنیادن اوتگن.

قسیم فهیم 1957 ییل پنجشیر ولایتیده دنیاگه کیلگن. حامدکرزی نینگ بیرینچی دوره سیده افغانستان مدافعه وزیرلیگی صفتیده هم وظیفه آلیب بارگن.

افغانستان باش قانونی گه کوره جمهور رئیس اورین باسرلریدن بیری " استعفاگه چیقسه یا وفات ایتگن تقدیرده"، جمهور رئیس ایسه، افغانستان مجلسی تصدیقی بیلن باشقه بیرکیشی نی اونینگ اورنیده تنیشتیریشی ممکن.