افغانستان شماليده اوچ كيشي 27 باله ني قاچاق قيلگنليكده عيبله نیب حبسگه آلندی

افغانستان شماليده پوليس اوچ كيشيني 27 باله ني قاچاق قيلگنليكده عيبلب حبسگه آلگن

افغانستان شماليده جايلشگن بغلان ولايتي پوليس مسووللري، اوچ كيشي ني 27 باله ني قاچاق قيلگنليكده عبيلب، قولگه آلگن.

بو شخصلر، اوتكن كون باله لرني مسافرتشووچي بير موتر آرقه لي كابلگه تمان آليب كيته ياتگن بيرچاغده، حبسگه آلينگن.

بغلان پوليس اداره سي قومانداني امين الله امرخيل گه كوره، مذكور شخصلر باله لرني پاكستانگه خودكشليك هجوم بوييچه تعليم بيريش مقصديده آليب بارماقده ايكنلر.

باله لر7 يشردن 11 يشرگچه بولگن و 7 قيزباله هم اولر ايچيده موجود بولگن.

امرخيل گه كوره، حبسگه آلينگنلر اوز گناهيگه اعتراف قيلمه گن. اما معلوماتلرگه كوره، بو باله لرني پاكستانگه ييتكزيش دن مقصد اولرگه تيرورچيليك بوييچه تعليم بيريشدن عبارت بولگن.

پوليس مذكور باله لرني قندوزده اوز عايله لريگه تاپشيرگن.

اولرنينگ عايله لري فرزندلريني كابلگه تعليم آليش اوچون جونه تيشگن. اما پوليس بو باله لر كابلگه آليب باريلرايكن مي يا پاكستانگه تحقيقات اوتكزه دي.

قندوز محلي مسووللري هم بو خبرني تصديقلشگن.

قندوز وبغلان ولايتلري افغانستان شماليده گي ناتينچ ولايتلريدن سنله دي بو ولايتلرنينگ اوزاق قيشلاقلريده طالبان گروهي وتيرورچي شخصلر فعاليت قيله دي.