هرات ده یوزبیرگن قتیق شمال و بوران جانی ومالی تلفات ییتکیزدی

Image copyright a

هرات ولایتی نینگ رسمیلریگه کوره، اوشبو ولایتده یوزبیرگن قتیق شمال و بوران نتیجه سیده بیر کیشی اولیب 19 کیشی یره لنگن. همده مذکور بوران ده برق جریانی کسیلیب قطار درخت لر یقیلیب توشگن.

هرات کسلخانه سی نینگ مطبوعات مسوولی رفیق شیرزی نینگ بی بی سی گه ایتیشیچه حاضرگه قدر بیر جسد و یره لنگن اون توقیز کیشی اوشبو کسلخانه گه الیب کیلینگن. یره لنگن لردن اکثریسی باله لر ایکنی ایتیلماقده.

شیرزی جنابلری یره لنگن لردن تورته سی نی وضعیتی آغیر بولگنینی ایتیب بوران شدتی گه قره گنده قربان لر سانی کوپیشی ممکن لیگینی ایتگن.

اوشبو بوران یا توفان کیلگوسی کونلر هم دوام تارتیشی ممکن لیگی ایتیله دی.

بی بی سی نینگ محلده گی خبرنگاری نینگ ایتیشیچه ایریم منطقه لرده برق جریانی کیسیلیب قالگن شونینگ دیک درخت لرهم یقیلیب عمومی جاده لرنی باسیب آلگن.

عینی حالده هرات ولایتی نینگ طبیعی آفت لرگه قرشی کوره شیش اداره مسوولی توفان یوزبیریشی ممکن لیگی باره سیده خبربیریلگنینی ایتیب سووتاشقینی روی بیریشی ممکن لیگی باره سیده هم آگاه لنتیرگن.