فاریابده 200 آواز بیریش محل کمیتیریلگن

فاریاب ولایتیده ایریم جمهوررییسلیک و ولایتی کینگشی سیلاوکمپاین مسووللری آواز محللری کمیتیریلگنی و آواز بیریش قاغذلری آزلیگیگه اعتراض بیلدیرگن، همده اولربو قرار قیته کوریب چیقیلیشی نی تیگیشلی اداره لردن سوره گن.

جمهوررییس لیککه نامزد اشرف غنی احمدزی، داکتر عبدالله عبدالله، داکتر زلمی رسول ، گل آغا شیرزی و ولایت کینگشی سیلاو نامزدلری شوندی اعتراض بیلن چیققن لر.

اسلامی جنبش حزبی نینگ معاونی سید احمد سعید نینگ بی بی سی گه ایتیشیچه، 1388 – ییل سیلاوده فاریاب بویلب 943 آوز بیریش محل موجود ایکن ، اما کیله جک سیلاولرده 741 محل گه کمیتیریلگن.

سعید جنابلری نینگ علاوه قیلیشیچه جاری ییل 110 مینگ کیشی اواز کارتی نی آلگن و آواز بیره دیگن لر سانی 600 مینگ کیشی گه یتیشه دی.

سعیدی جنابلری مستقل سیلاولر کمیسیون نینگ فاریابده گی مسوولی اظهاراتیگه ماس 600 مینگ آواز بیروچیگه قره گنده 430 مینگ آواز قاغذلری اوشبو ولایت گه یتکزیلگن ایتگن.

کمپاین مسووللری اعتراضلریگه ایجابی جواب بیریلمه گن تقدیرده باشقه نامزدلر مصلحتی بیلن جدی قرار آلیشلری بیلن اگاه لنتیرگن.

مستقل سیلاولر کمیسیون نینگ فاریابده گی مسوولی معصوم معصومی بی بی سی بیلن بولگن صحبتیده رای محللری کمیتیریلگنینی تصدیق لب الدینکی سیلاولرده مردم آزراق اشتراک قیلگنی باعث رای محللری کمیتیریلگندیب فکر بیلدیرگن.

شونینگ دیک معصومی جنابلری رای قاغذلرینی آز بولگنیگه هم عینی موضوع سبب بولگنینی ایتگن.

باشقه تماندن سیلاولر کمیسیون نینگ فاربایده گی مسوولی بوخصوصده بولگن شکایت لرنی مرکزگه یتکزیلگنینی ایتیب بوباره ده مرکز قرار آلیشی کیره ک لیگینی اورغوله گن.

باشقه تماندن شمال شرقی بدخشان ولایت اهالیسی اوشبو ولایتده اینگ آز 22 اواز مرکزی امنیتی تهدیدلر گه دوچ کیلگنینی ایتیب بو مرکزلرنینگ اچیلمی قالشیدن خواطیر بیلدیرگن. آوازمرکزلری یومگان، کران و منجان ، وردوج ، و کشم تومنلریده جایلشگن.

بدخشان ولایتی نینگ مستقل سیلاولر کمیسیون باشلیغی عبدالمالک حنیفی مردم شکایت لرنی تن آلیب اوشبو مرکزلر اچیلیشی اوچون سعی و حرکت بوله یاتگنی گه امید بیلدیرگن.

شونینگ دیک بدخشان ولایتی نینگ پلیس قوماندانلیگی اورین باسری سید عبدالقدیر صیاد رای بیریش مرکزلر خوف سیزلیگینی تامین لش اوچون جدی حرکت قیلیش لرینی وعده بیرگن.