جمهوررییس نامزدلریدن عبدالرحیم وردک اوزنامزدلیگیدن اوتدی

Image caption عبدالرحیم وردک ایریم دلیللر سبب نامزدلیگیدن اوتیشگه عامل نیمه بولگنی باره سیده معلومات بیریش حاضرگه قدر لازم ایمس لیگینی تیلگه آلدی.

کیله جک جمهوررییس نامزدلریدن عبدالرحیم وردک باشقه بیر نامزد دن حمایت قیلمی اوز نامزدلیگیدن اوتگنینی اعلان قیلدی. جناب وردک مجبوریت اساسیده نامزدلیگیدن اوتگنینی ایتیب، بیراق بونگه اصلی عامل نیمه بولگنی باره سیده معلومات بیرمه دی.

عبدالرحیم وردک ایریم دلیللر سبب نامزدلیگیدن اوتیشگه عامل نیمه بولگنی باره سیده معلومات بیریش حاضرگه قدر لازم ایمس لیگینی تیلگه آلدی.

عبدالاحد افضلی وسیدن حسین انوری وردک جنابلری نینگ بیرینچی او ایککینچی اورین باسری ایدی.

عبدالرحیم وردک اوزینی رویخط دن اوتکزمسدن آلدین امنیت بویچه جمهوررییس کرزی نینگ مصلحت چیسی صفتیده وظیفه آلیب باررایدی.بوندن آلدین مدافعه وزیری ایدی.

وردک جنابلری 68 یاشیده بولیب حربی بولیمده افغانستان، امریکا ومصر ده تحصیل آلگن. سابق شورا اتفاقی دوریده ملی محاذ حزبی نینگ حربی کمیته باشلیغی ایدی.

هرچند نامزدلرنینگ اوز نامزدلیگیدن اوتیشیگه حقلری بار اما نامزلرنینگ رسمی شکلده اوتیش مهلتی نیچه آیی آلدین یکون تاپدی. شوسبب مستقل سیلاولر کمیسیونی نامزدلیگیدن اوتگن شخصلر اسم لری رای قاغذلریدن الیب تشلنمسلیگینی ایتماقده.

بوندن آلدین جمهوررییس حامدکرزی ایناغه سی عبدالقیوم کرزی باشقه بیرنامزد زلمی رسول منفعتی گه اوتگن ایدی.