کرزی: طالب لر گروهی دولت بیلن مذاکره قیلیش نی خواهله یدی

Image copyright AP

افغانستان جمهور رئیسی حامد کرزی ینگی تعلیمی ییل باشله نیشیده بیزبیلن طالب لر علاقه قوره دیلردیب وبو گروه مذاکره قیلیشنی خواهله شی نی ایتدی. انه شو سبب مملکت گه تینچلیک کیلیشی نی تاکیدله دی.

اونگه کوره : " پاکستانلیک طالب لر بو مملکت رسمی لری بیلن صحبت قیلماقده لر و بومملکتده تینچ لیک تامین له نیشی ممکن، چونکی پاکستان رهبرلری بو وضعیت نی باشقه چیده شگه حوصله لری پیربولگن".

کرزی جنابلری طالب لرنی پاکستان تربیه له گن دیب اوزی قیلگن گه درمان یوق دیدی. بیراق او اوزی قیلگنینی درمانلشگه پاکستان بیلن همکارلیک قیلیشلری نی تیل گه آلدی.

نیچه کون آلدین نیویورک تایمز کونده لیگی کرزی جنابلری اوچ آی دن بیری طالب لربیلن محرمانه روشده علاقه قورگنی باره سیده یازگن ایدی.

افغانستان جمهور رئیسی اوتگن کونگی عملگه آشگن هجومده 9عادی اهالی هلاک ایتیلگنی گه اشاره قیلیب هجومچی لرنی دنیا استخبارات اداره لری کابل گه جونتگن دیدی.

افغانستان جمهور رئیسی افغانستان خلقی نی هیچ کیم زور وتهدید بیلن اوزیگه قره م قیله آلمسلیگی باره سیده آگاه لنتیریب بو مملکت دوست لیککه وفادار بولگنی اوچون دوستلیک یولی بیلن آدیم کوتریشلرینی تاکیدله دی.

او افغانستان اهالی سیدن کیلگوسی سیلاولرگه قتنه شیب اوز جمهور رئیس لرینی سیلش لرینی طلب قیلدی.

کرزی جنابلری گه کوره کیلگوسی حکومت نی حاضرگی حکومت دن یخشی بولیشی ممکن، چون ینگی جمهور رئیس واهالی آواز بیریشی تیزیم اعتبارینی آشیره دی.

او اون ییل آلدین بو مملکت ده عملگه آشیریلگن لایحه لر سبب ایریم بولیم لر رواجلنگنی نی تاکیدله دی.

افغانستان معارف وزیری فاروق وردککه کوره مملکتده بوگون 11.5میلیون اوقیتووچی مکتب گه یول آله دی وحاضرگه قدرهم 1.3میلیون باله گه تعلیم شرایطی یره تیلمه گنی باعت تعلیم آلیش شرایطیدن بی بهره بولگن.

کرزی جنابلری تعلیم ساحه سی رواجلنگنی دن خرسندلیک بیلدیریب افغانستان فرزندلری نینگ بوساحه گه بولگن قیزیقیش لری سبب بومملکت باشقه یینگیمسلیگی ممکن دیب تاکیدله دی.