قندوز ده روی بیرگن انتحاری هجومده بیش نفر هلاک بولدی

Image caption شمالی قندوز ولایتیده طالبان فعال

افغانستان شمالیده کی قندوز ولایتی ملازم لری نینگ ایتیشلریچه، روی بیرگن انتحاری هجومده کمیده ۵ نفر هلاک و ۲۷ نفر ایسه یره لنگن .

قندوز ولایت پلیس کوچلری سوزچی سی سید سرور حسینی نینگ بی بی سی گه ایتیشیچه انتحاری هجوم سه شنبه کونی محلی وقت بیلن ساعت تورت یریم اطرافیده ، اولاق اوینی میدانیده روی بیرگن.

حسینی جنابلریگه کوره انتحارچی شخص، محلی ده کی جهادی قوماندان لردن بولمیش میر علم خاننی نشانگه آلگن. اونینگ ایتیشیچه میر علم خانگه هیچ قندی ضرر ایتمه گن .

هلاک بولگن لرنینگ اکثریتی عادی تماشاچی لر بولگن.

طالبان گروه مخبرلرگه یوبارگن پیامیده بو حادثه مسئولیتنی اوز بوینلریگه آلگن.

قندوز کسلخانه سی مسئوللری پلیس کوچلری تمانیدن اعلان ایتلگن حادثه تلفاتی ساننی تصدیق له گن .

قندوز ولایتی کسلخانه سی باشلیغی دکتر سعد مختار نینگ ایتیشیچه، یوقاری مرتبه لی پلیس ملازم لریدن بیری هم بو حادثه ده یره لنگن .

اونگه کوره ، جنرال بشیر بشارت قندوز ولایتی پلیس کوچلری نینگ هماهنگلشتیریش مسئولی بولگن.

پلیس کوچلری بو خبرنی ایسه تصدیق له مه گن.