قندوزده گی پارتلش لر15کیشی دن جان آلدی

افغانستان شمالشرقی قندوز ولایتی ده روی بیرگن ایکی پارتلش عاقبتیده کمیده 15 کیشی قربان بولیب ینه تورت کیشی تن جراحت الگن. بوحادثه لرآقتاش وبویین دیب ناملنگن منطقه لرده یوزبیرگن.

محلی رسمیلرگه کوره پارتلش لرنینگ بیری خان آباد ولسواللیگی نینگ آقتاش دیب اتلگن قشلاقیده اوشبو تومن نینگ جنایت چیلیککه قرشی کوره شیش اداره سی مسؤولی اوز موتر بیلن کیته یاتگان بیر پیت یول چیکه سیده اورنه تیلگن ماین پارتلشی عاقبتیده قربان بولگن.

قندوز ولایتی نینگ پلیس اداره سی سوزچی سی سید سرور حسینی گه کوره بو حادثه گه خان آباد تومن نینگ جنایت چیلیککه قره شی کوره شیش اداره سی مسؤولی سلام حسینی دن باشقه اونینگ اوچ قوروقچی سی هم تن جراحت آلگن.

عین دمده ینه بیر خبرگه کوره بوگون توشدن آلدین خان آباد ولسواللیگی نینگ بویین دیب اتلگن قشلاقیده جهادی قوماندان لردن بیری محمد عمر آقتاش عایله اعضا سی مینیلگن موتر یول چیکه سیده اورنه تیلگن ماین پارتلشی عاقبتیده کمیده 15 تینچ فقرا گه ضرر ییتکزگن.

محمد عمر آقتاش جنابلری نینگ ایتیشیچه بو حادثه گه 14 کیشی اونینگ عایله اعضاسیدن قربان بولیب وینه بیری کیشی هم تن جراحت الگن.

اما قندوز ولایتی نینگ پلیس اداره سی سوزچی سی بوحادثه نی تصدیق لب 7 کیشی نی قربان بولگنی نی تیلگه اله دی.

شونگه قوشیمچه قیلیب حسینی جنابلری بو حادثه ده ینه بیرکیشی تن جراحت لنگنی نی هم تصدیق له یدی.

هرچند حکومت ملازم لری دایماً بوکبی حادثه لرنی قورالی طالبان گه نسبت بیریشه دیلر ، بیراق طالبان گروهی محمد عمر آقتاش جنابلری نینگ عایله اعضاسی نشانگه توتیلگن حادثه مسؤولیتینی اوزذمه سیگه الگن لر.

ایتیلیشچه مملکت شمالشرقی قندوز ولایتی اینگ ناتینچ بولگن ولایت لردن سنه لیب کون ساین قورالی عصیانچی لرنینگ عصیانگرچیلیک فعالیت لری بوولایتگه کوپه ییب بارماقده .

شونینگ دیک ایریم لرگه کوره بوکبی حادثه لر کیله سی جمهوررییس لیک و ولایتی کینگاش سیلاولرگه هم سلبی تأثیرینی قوییب حتی اهالی نینگ سیلاو لرنی تینچ حالتگه بولیب اوتیشیگه ایشانچ لرینی کمه یتیره دی.