افغانستانليك ايلك فضاگير 25 ييلدن سونگ وطنيگه قيتدي

Image copyright ah

ايلك و يگانه افغانستانليك فضاگير عبدالاحد مهمند آره دن 25 ييل اوتيب وطنيگه كيلگن. مجاهدلر دوريده وطنيني تشلب كيتيشگه مجبور بولگن مهمند جمهور رييس حامدكرزي مآموريتي تمانيدن بير پياله چايگه تكليف قيلينگن.

1988 ييلگي سابق شوروي قشونلري افغانستاندن بوتونله ي چيقيب كيتيشگه حاضرليك كوررايكن، شوروي راكتي يگانه و ايلك افغان فضاگيريني فضاگه آليب اوچدي. عبدالاحد ييرگه قهرمان صفتيده قيتدي، اما 3 ييل نينگ ايچيده مملكتيني ترك ايتيشگه مجبور بولدي.

عبدالاحد باله ليگيده آسمان دن كوزيني اوزه آلمسليگيني، هر زمانده كورينيب قالگن اوچقاقلرگه قره ب اوچيشني آرزو قيلگنيني ايته دي.

Image copyright Roskosmos

اولغه يگچ افغان هوا كوچلريده حربي اوچووچيگه ايلندي. بو بو نرسه احد مهمند تصويريگه هم سيغديره آلمه گن ينه بير امكانيتگه يول آچدي.

او شوروي فضا دستوريگه قوشيله ديگن بيرينچي افغان بوليشي اوچون 400 نامزادنينگ ايچيدن تنلب آليندي. 29 ياشيده مسكو چيتيده گي فضاگيرلر مشغولات مركزي جايلشگن يولدوز شهرچه سيگه كوچيب اوتدي.

احدنينگ پروازده گي قومانداني ولديمير ليخوف ياش افغان ني ايلك كوندن ياق ياقتيريب قالگنيني ايته دي.

او ييرده هم فضاده هم كولگيلي واقعه لر كوپ بولگنيني ايسله يدي.

افغانستان حكومتي احد دن فضاده قران تلاوت قيله ياتگني ني تصويرگه آليشني تاپشيره دي.

"احد اوشبو تاپشيريق ني بجريش اوچون دوپيسيني كييدي. اوني پسدن صورتگه آلديك. او معلق توريب قالمسليگي اوچون قدردان تشقريده آياق لريدن اوشلب تورگن من"،ـ ديه ايسله يدي 70 ياشلي ليخووف.

ييرگه قيتر محل يوزه گه كيلگن معماني مردانه وار ايچيشده ايكله سي هم قووناق طبيعيتيگه رحمت ديسه ارزيدي.

اوشنده سايوز ايستنسيه سي نينگ كمپيوتر تيزيمي ايشدن چيقه دي. اولر يانيلغي توگه شيگه سناقلي ثانيه لر قالگنده ييتيب كيليشه دي. عكس حالده سما ده بير عمرگه قاليب كيتيشلري ممكن ايدي.

عبدالاحد مهمند افغانستان ني ترك ايتيشگه مجبور بولدي. اما آره دن 25 ييلدن اوتيب حامدكرزي نينگ تكليفي بيلن كابلگه قيتدي. رهبريت اوني بير پياله چاي گه تكليف قيلگندي.

كرزي اوشه وقت ني شوروي گه قرشي مجاهدلر صفيده جنگ قيلگن بولسه ده، احد نينگ فضاگه چيققنيدن فخرلنگنيني بيلديرگن.

تقدير تقاضاسي بيلن ايلك افغان فضاگيرنينگ قسمتي اوزگريب كيتدي. او بوگونده اوچووچيليككه عمومآ علاقه سي بولمه گن ايش بيلن مشغول.