افغانستان بویلب رای لرنی سنش جریانی توگه دی

سیلاولر مستقل کمیسیونی گه کوره ؛ افغانستان نینگ اوتیز تورت ولایتیده آوزلرنی سه نش جریانی نهایه تاپگن، حاضرایسه رای مزلریدن رای صندوقلری وسیلاولرگه عاید کیره کلی ماده لرنی ولایات مرکزلریگه یتکیزیش جریانی باشلنگن.

رسمی معلومات لرگه کوره ، ییتتی میلیون دن آرتیق افغانستان لیک لر سیلاولرگه اشتراک ایتگن .عین حالده افغانستان مستقل سیلاولر کمیسیونی سیلاولرنینگ دستلبکی نتیجه سی ثور ای نینگ تورتینچی سی اعلان ایتیلیشی نی ایتگن. اما بوندن آلدین تخمین لرگه ماس نامزدلرنینگ نیچه فایز آواز آلگنلری اعلان ایتیلیشی کوتیله دی.

اوتگن کون بولیب اوتگن سیلاولر افغانستان اوچون تاریخی بیر سیلاولر بولگنی تاکیدلندی. چونکی خوف سیزلیک تهدیدلر و هوا وضعیتی یخشی بولمه گنی گه قره مسدن ییتتی میلیون دن آرتیق افغانلر سیلاو مرکزلریگه باریب رای بیریشدی. ایندی ایسه رای بیرگن شخص لر قچان نتیجه اعلان ایتیلیشینی کوتماقده لر. افغانستان سیلاولرمستقل کمیسیون سوزچیسی نور محمد نور بی بی سی بیلن بولگن صحبتیده برچه ولایت لرده رای لرنی سه نش جریانی یکون تاپگنینی ایتدی."سیلاولرگه عاید کیره کلی ماده لرنی رای مرکزلردن ولایتده گی دفتر لریمیزده کیلتیره میز، شونینگ دیک تیزلیک بیلن نتیجه قاغذلرینی ییگیرمه مینگ رای محلدن مرکزگه انتقال بیریشنی مقصد قیلگن میز. بو نتیجه لر ایسه مرکزده دیتا بیس سیستم گه کیریتیله دی". دییدی نورمحمد نور

نور جنابلری گه کوره رای مرکزلریده سنلگن آواز لر توغریدن توغری سیستم گه کیریتیلمه یدی، بلکه رای صندوقلری مرکزگه کیلتیریلگنیدن سونگ قیته حساب له نیب کینچه لیک دیتابیس سیستمی گه کیرتیله دی. سیلاولر کمیسیونی رای مرکزلریدن کیلگن نتیجه لر قیته کوریب چیقیلیشی وقت آلیشینی اورغولب شوباعث دستلبکی نتیجه ثور ایی نینگ تورتینچی سیگه اعلان ایتیلیشینی تیلگه آلدی. شونینگ دیک او ایرته دن باشلب ولایت لر رایی اساسیده قسمی نتیجه لراعلان ایتیلیشی باشله نیشی ممکن لیگینی ایتدی."قیسی بیر نامزد یوقاری اورینده تورگن بوخصوصده معلومات تکمیل بولمه گن مستقل سیلاولر کمیسیونیدن باشقه هیچ کیم هم بوباره ده معلومات بیره آلمیدی. حتی نامزدلرنی هم حقی یوق. لیکن بیز هرکونده کمیده ییگیرمه ولایت آوازیدن بیرقسمینی اعلان ایتیشگه قرار آلگن میز". دییدی سیلاولرمستقل کمیسیونی سوزچیسی.

مستقل سیلاولر کمیسیون نینگ دستلبکی تخمین لریگه کوره افغانستان بویلب بولیب اوتگن جمهوررئیس لیک و ولایت کینگاش سیلاولریده ییتتی میلیون کیشی رای بیرگن. سیلاولر جریانی خوف سیزلیک حادثه لریگه هم گواه بولدی.ایچکی ایشلروزیری محمد عمر داودزی نینگ ایتیشیچه اوتگن 24 ساعت دوامیده عصیانکارلر140 هجوم اویوشتیرگن و نتیجه ده ایسه 9 نفر پلیس و 7 نفر ملی اردو کوچلریدن هلاک بولگن. بو توقنه شو لرده طالبان عصیانکارلریدن 89 نفر هم هلاک بولگنی ایتیلدی. عادی اهالیدن هم تورت نفر روی بیرگن حادثه لرده جانلرینی قولدن بیرگن. و 43 کیشی ایسه یره لنگن.