معتصم آغا جان دبی ده یوقالگنی تصدیقلندی

افغانستان دولتی طالبان گروهی نینگ رهبرلریدن بولگن معتصم آغا جان نینگ دبی ده یوقالگن لیگی نی تصدیقله دی.

افغانستان تشقی ایشلر وزیرلیگی نینگ رسمی لری اونینگ تقدیرینی انیق لش اوچون عرب امیرلیک بیرلشمه سی بیلن علاقه قوریب سعی وحرکت لر باره سیده خبر بیرگن.

معتصم آغا جان اوتمیشده طالبان نینگ مهم رهبرلریدن بولیب یقینده طالبان بیلن افغان حکومتی آره سیده تینچ لیک مذاکره لری یولگه قوییلیشی اوچون سعی وحرکت قیلگن ایدی.

افغانستان تشقی ایشلر وزیرلیگی بوگون کابلده مطبوعات انجمنی یولگه قوییب معتصم آغا جان نینگ دبی ده یوقالگنی لیگی نی تصدیقله دی.

افغانستان تشقی ایشلر وزیرلیگی نینگ وقتینچه لیک سوزچیسی شکیب مستغنی معتصم آغا جاننی تقدیریدن خبرداربولیش اوچون افغانستان دولتی عرب امیرلیک بیرلشمه سی بیلن علاقه قورگن لرینی ایتدی.

" معتصم آغا جاننی تینچلیک جریانیده کته رولی بولگنی اوچون افغانستان دولتی وبیزلر اونینگ تقدیریدن معلومات قولگه کیلتیریش اوچون عرب امیرلیک بیرلشمه سی بیلن علاقه قوریب بو خصوصده سعی وحرکت لرنی باشله گنمیز"

شونینگ دیک مستغنی جنابلری معتصم آغا جان قنده ی یوقالگنی باره سیده کوپراق معلوماتگه ایگه ایمس لیک لرینی تیل گه آلدی.

بوندن نیچه کون آلدین معتصم آغا جان دبی ده بی دره ک یوقالگنی باره سیده ایریم رسانه لرتمانیدن خبرلر ترقه تیلگن ایدی. اما افغانستان دولتی و تینچلیک عالی کینگش بوخصوصده هیچ قنده ی مناسبت بیلدیرمه گن ایدیلر.

معتصم آغا جان طالبان نینگ مهم رهبرلریدن بولیب یقینده طالبان بیلن افغان حکومتی آره سیده تینچلیک مذاکره لری باشله نیشگه طرفداربولگنی ایتیلگن ایدی.

بوندن نیچه آی آلدین او نینگ تشبثی بیلن دبی ده طالبان نینگ بیرقطار رهبرلری بیلن تینچلیک عالی کینگشی اورته سیده نتیجه بیرگن بولمسه هم تینچ لیک اوچون مذاکره یولگه قوییلگن ایدی.

بونینگ آرتیدن طالبان بیانات ترقه تیب بونده بوگروه آدرسیدن تینچلیک خصوصیده گی دبی ییغینده هیچ کیم قتنشمه گنی ایتیلگن ایدی. عین حالده معتصم آغاجان بو گروه نینگ تشکیلاتی گه هیچ قنده ی مسوولیتی بولمه گنی نی هم معلوم قیلینگن ایدی.

دبی ده یوقالگن معتصم آغا جان طالب حکومتی دوریده مالیه وزیری بولیب ایشله گن وملاعمر نینگ اینگ یقین آدم لریدن حسابلنردی.

او پاکستانده هجومگه توتیلیب یره لنگنی سبب تورکیه گه دواله نیش اوچون جونه تیلگن ایدی.

افغانستان دولتی بیلن تینچلیک مذاکره لری یولگه قوییلیشیگه طرفدار بولگنی ایتیلگن سابق طالب لرحکومتیده مهاجرلر وزیری بولیب ایشله گن ملاعبدالرقیب هم پا کستانده نامعلومشخص لر تمانیدن هجومگه توتیلیب ترورایتیلدی.