افغانستان عامه منفعت وزیرلیگی اورین باسری کابلده اوغیرلندی

Image copyright BBCPersian.com

افغانستان عامه منفعت وزیرلیگی نینگ آست قورمه و ترانسپورت ایشلری بوییچه اورین باسری احمدشاه وحید بوگون کابلده اویی یقیندن قوراللی لرتامانیدن اوغیرلنگنی تصدیق لندی.

عامه منفعت وزیرلیگی سوزچیسی ساحل کاکر بی بی سی بیلن بولگن صحبتیده بوحقده شوندی دیدی:" جناب معاون محلی وقت بیلن ساعت ییتتی اطرافیده وزیرلیککه قره ب کیله یاتگن بیر پیت اوغیرلندی."

کاکر جنابلری نینگ ایتیشیچه آدم اوغیرلاوچی لر سانی تورت کیشی بولیب جناب وحید الله نینگ موتریگه قره ته اوق آچیب هیداوچی سینی یره لنتیرگن. هیداوچی حاضر کسلخانه گه یاتقیزیلگن.

عامه منفعت وزیرلیک سوزچیسی نینگ ایتیشیچه، معاون جنابلری نینگ شخص قوریقچیسی بولمی اوی کابل شهر نینگ خیرخانه منطقه سیده جایلشگن.

خیر خانه منطقه سی کابل شهری نینگ سیر جمعیت منطقه لریدن بیری بولیب، بو منطقه ده قیته قوریش ایشلری یخشی عملگه آشیریلگن، عین حالده ایریم ییریک سواد مرکزلری هم بو ییرده جایلشگن.

ساحل کاکر گه کوره، عامه منفعت وزیرلیک اورین باسری قه ییر وقنده ی وضعیت ده بولگنی باره سیده هیچ قنده ی معلومات بولمه گن وبو خصوصده امنیتی کوچلرگه معلومات بیریلگن. شونینگ دیک کاکر جنابلری اوغیرلنگن عامه منفعت وزیرلیگی اورین باسری وحید جنابلری نینگ هیچ کیم بیلن شخصی دشمنلیگی بولمه گنینی ایتگن.