آی کمان، فاریاب ده بیرینچی ادبی، علمی و اجتماعی گزیته

بو گزیته محمد کاظم امینی باش محریرلیگی آستیده نشر ایتیله دی. ییگیرمه بیتدن عبارت بولگن آی کمان گزیته سی، اوزبیک تیلیگه خذمت قیله دیگن بیرینچی گزیته دیر.

اوشبو گزیته یوزیده گزیته ایچیده گی موضوع لرعنوان لری یازیلیب، کیین بیرینچی بیتده باش محریر نینگ بیر- ایکی آغیرگپ عنونلی کیچلیک مقاله سی سیغدیریلگن.

ایکینچی بیتیده افغانستان اوزبیک لری نینگ کوره شچن شاعرلریدن محمد امین اوچقون حقیده معلومات بیریله دی.

گزیته اوچنیچی – تورتینچی بیتلریده نوروز تاریخچه سی، بیشینچی – آلتینچی بیتلریده بیلم عرصه سیده بیرینچی فعال عیاللردن بولگن ممکلت بانوحقیده معلومات، ییتینچی – سیکیزینچی بیتلریده صوفیلیک طریقت لریدن بیری بولمیش قادریلیک طریقتی حقیده، توقیزینچی – اونینچی بیتلرده بویوک علامه ابونصرفارابی حقیده معلومات بیریلیب،11- 12 بیتلرده قیسقه حکایه سیغدیریلیب،13- 14 بیتلرده قشاقلیک نینگ جامعه ده تاثیراتی عنوانلی مقاله، 15- 16 بیتلرده دیمه کلاس دوروغی ناملی قسقه مستند حکایه توپله نیب، 17 – 18 بیتلرده کتاب دنیاسی ناملی صفحه لر بوله دی. بوصفحه لرده تازه لیک ده چاپدن چیققن ایکیته اوزبیکچه اثرحقیده معلومات بیریلیب، 19 – 20 بیتلرده نوایی حضرت لری نینگ ایکی پارچه بیری اوزبیکچه و ینه بیر پارچه سی فارسچه غزللربیلن یکونلنه دی.

گزیته باش محرری محمد کاظم امینی جنابلری اوشبو گزیته نی نشرگه تیارلشدن یگانه مقصد بوتون تورک تبار خلق لر اینیقسه افغاستان تورک تبارلرینی معنویتنی نمایان قیلیش بولگن لیگی نی ایتیب، کیلگوسی نسللرنی اوتیمیش لری بیلن باغلش نیتیده میز دیدی.

امینی جنابلری بوکبی گزیته لرنی چاپ قیلیش ده مالی امکانات آزلیگی نی معلوم قیلیب، تویغولی اوزبیک لردن بوکبی مدنی فعالیتلرگه مالی همده معنوی یاردم بیریش لرینی طلب قیله دی.

Image caption گزیته محمد کاظم امینی باش محریرلیگی آستیده نشر ایتیله دی

شونینگدیک، فاریاب یاش ییگیت لری هم آی کمان ناملی گزیته نی چاپ ایتلیشی نی خوش قرشی لب، بوکبی گزیته لرنی چاپ ایتیلیشی اولرنی بیلیم ملکه لرینی آشیریش ده و یاردم بیریشی ممکنلیگی نی ایتیشه دی.

فاریابلیک یاش لردن بشیر احمد ظریف "آی کمان" ناملی گزیته نی ایلک بار فاریاب ولایتی ده بوتونلی اوزبیک تیلیده کورگن لیگی دن قوانیب کیتکن لیگی نی معلوم قیله دی.

"مین آی کمان گزیته سینی کوریب راستآ هم قوانیب کیتدیم، چونکه بیزاوزبیک لراوچون بوندی بیراولوغ ایش شونچه ییل جریانیده افغانستانده بولمه گن ایدی، بوندن آلدین اخبارلر چاپ بولردی، اوهم بولسه یریمی فارسی ایدی، لیکن بوندی ادبی گزیته نی کوریب قواندیم"، دییدی بشیر احمد ظریف.

بو گزیته نی چاپ ایتلیشی اجتماعی ترماقلردن فیسبوک صحیفه سیده هم خوش قرشی له نیب، فیسبوک دن فایده آله یاتکن اوزبیک لربوحقده اوزبیک قرش لرینی هم یازگن ایدیلر.

اوزبیک لرزیج یشب کیله یاتکن فاریاب ولایتی ده 20بیتلی ادبی و فرهنگی گزیته چاپ ایتیلیشی سونگی بیرنیچه ییل جریانیده ایلک بار کوزه تیله دی.

بوندن آلدین اوزبیک تیلیده هفته نامه و ماهنامه لر نشر ایتیلردی، اما اولردن بیرقطاری کیینگی ییللر مالیوی معمالر سبب توختب قالیشدی. شونگه قره مسدن حاضر هم اوزبیک ضیالی لری گزیته لرنی چاپ ایتیشیب تورگن.