تخارده يير سيلجيشي عاقبتيده اونلب تورر جاي ويران ايتيلگن

Image copyright BBC World Service

روستاق تومنی نینگ خواجه خيراب قيشلاغيده يوز بيرگن ییر سیلجیشی عاقبتیده ،كميده 120 تورر جای ويران ايتيليب، عايله لر اويلريدن قاچيب چيقيشگن. همده تخار رسميلري اونلب عايله باش پنه سيز قالگني ني ايتيشگن.

تخارده گي دركچيميز مبين غفوري نينگ ايتيشيچه، روستاق محل مسووللري دولت ني باش پنه سيز قالگن عايله لرگه تيز ياردم گه چقيرگن.

شونینگ دیک مبین غفور نینگ ایتیشیچه ییر سیلجیشی روی بیرگن منطقه دن تورت جسد تاپیلگن اولردن بیری سوو تاشقینی عاقبیتده هلاک بولیب باشقه اوچ ته سی قندی هلاک بولگنی حاضرگه قدرهم معلوم ایمس. بوخصوصده هم تحقیقات ایشلری باشلنگن.

مجاهدلر دوريده هم مذكور تومنده يير سيلجيش حادثه سي يوز بيريب، آدملرگه تلفات ييتگندي.

تخار ولايتي روستاق تومني تاغلي منطقه بوليب، ييليگه بهار موسيميده قتيق ياغينگرچيليك يوز بيره دي.

خبرلرگه كوره، بدخشان و تخار آره سیده گي شاه یول و تخار ولایتي ایریم تومنلری یولی هم یاغینگرچیلیک و سوو تاشقینی سبب یاپیلگن. همده بدخشان ولایتیده هم سوو تاشقینی یوزبیرگنی حقيده خبر قيلينماقده.

هر ییلی افغانستان بویلب سوو تاشقینی وطبیعی آفتلر سبب اهالیگه مالی وجانی تلفات ییتکیزه دی. اوتگن ییل هم یوزبیرگن سوو تاشقینلری کوپلب انسانلردن جان آلگن ایدی.