" افغانستان اقتصادی رواجلنیشی قریب توقیز فایز کمه یگن"

Image copyright

آسیا ترقیات بانکی میلادی 2013 ییل افغانستان اقتصادی رواجلنیشی 3.3 فایزگه توشگنینی ایتدی .میلادی 2012 ییل ده افغانستان نینگ اقتصادی رواجلنیشی 11.9 فایز بولگنی خبر قیلینگن ایدی.

صنعت وسرمایه یاتقیزیش خصوصیده خذمتلر کمیشی ملی ناخالص محصولاتی کمیشیگه سبب بولگن.

اوتگن ییللرده افغانستان، اقتصادی رواجلنیش لرگه شاهد بوله یاتگنی باره سیده خبر لر ترقه تیلرایدی، اما مرته آسیا ترقیات بانکی ییللیک حساباتیده اقتصادی روجلنیش کمیگنینی معلوم قیلدی.

بونگه اساسی عامل هم سیاسی براقرارلیک لرخصوصیده ایشانچ بولمه گنی دیه کورسه تیلگن.

آسیا ترقیات بانکی نینگ افغانستان بویچه مسوولی جوجی توکیشی کابلده اوتکزگن مطبوعات انجمنیده صنعت، وسرمایه یاتقیزیش خصوصیده خذمتلر کمیگنی ملی ناخالص محصولاتی نی هم کمییشی گه سبب بولگنینی تیلگه آلدی:"

میلادی 2013 ییلده اقتصادی رواجلنیش 3. 3 فایز گه توشگن 2012 ییل ده 11.9 فایز ایدی، مثال قیلیب ایتگنده خصوصی بولیم لرده سرمایه یاتقیزیش بوییل اوچ اعشاریه آلتی فایزگه کمیگن. میلادی 2012 ییلده تورت اعشاریه توقیز فایز ایدی."

شونینگدیک او، میلادی 2013 ییلده آذوق اوقت نرخی 9.7 فایز کوتاریلگنینی ایتدی عسکینچه باشقه ماده لر نرخی تورت اعشاریه سککیز فایز کمیگن میلادی 2012 ییل اخرلریده یتتی اعشاریه تورت فایز ایکن. آسیا ترقیات بانکی حسابتی گه کوره ، شوباعث هم افغانستان بویلب ملکیت نرخی پسیگن. عینی حالده اقتصادی اوسیش درجه سی کمیگنی سرمایه یاتقیزیش ترقیات برنامه لری نینگ کمیشی گه هم سبب بولگن.

شونینگ دیک خارجی کوچلرنینگ چیقیب کیتیش مساله سی هم تاثیر قالدیرگنی ایتیلدی، اسیا ترقیات بانکی نینگ افغانستان بویچه اقتصاد مسوولی رحمانی گل رحمانی:"اساسی عاملی سیاسی نا برقرارلیک بولگن، سرمایه یاتقیزوچیلر و عامه خلق هم خرجت لرینی کمیتیردی. مملکت برقرارلیگی باره سیده ایشانچ پیدا بولسه. اقتصادی وضعیت جاری ییلده یخشی بوله دیگن امیده میز."

اسیا ترقیات بانکی میلادی 2014 ییلده افغانستان اقتصادی رواجلنیشی اوچ اعشاریه بیش فایزگه کوتاریلیشیگه امید بیلدیردی. اما کوتیله دیگن بو رواجلنیش سیاسی برقرارلیک خصوصیده گی ایشانچ سیزلیک لر کمیشی ، افغانستان وامریکا اره سیده امنیتی پیمان امضاله نیشگه باغلیق ایکنی تاکیدلنماقده.

آسیا ترقیات بانکی سرمایه یاتقیزیش و اقتصاد اوسیش اوچون فسادگه قرشی کوره شیش و ایچکی درامد نینگ کوتاریش اوچون دولت تمانیدن جدی قدم لر کوتاریلیشنی تکلیف قیلدی.