عالی تینچلیک کینگشی: طالبان نینگ سابق مقامی عرب امیرلیگیده قماقده

افغانستان عالی تینچلیک کینگشی طالبان نینگ سابق مهم اعضالریدن معتصم آغاجان عرب امیرلیک بیرشلمه سیده قماقده بولگنی حقیده خبربیرگن، افغانستان تشقی ایشلر وزیرلیگی بوندن آلدین معتصم آغا جان نی دبی ده یوقالگنینی تصدیق له گن ایدی.

عالی تنیچلیک کینگشی تامانیدن ترقه تیلگن بیاناتده یازیلیشیچه؛ معتصم آغاجان عرب امیرلیک بیرلشمه سی دولتی تمانیدن نظارت استیده آلینگن.

عالی تیچلیک کینگشی گه کوره ، معتصم آغاجان سونگی وقتلرده امیرلیک بیرلشمه سی ده استقامت قیلرایکن. عینی حالده اونینگ صلح جریانیده حمایت بیلدیریب کیلگنی ایتیلگن.

عالی تینچلیک گینگشی نینگ ایتیشیچه ، اوتگن ایککی ییل دن بیری تینچلیک مذاکره لری اوچون یولگه قوییلگن سعی حرکت لر نتیجه بیره یاتگن بیر پیت یاشیرینچ واچیق شکلده توسیق یره تیلگن. همده صلح جریانی اوچون قدم کوتارگن شخص لر بوکبی حرکت لری قربانی بولگن.

عینی حالده عالی تینچلیک کینگشی شوندی واقعه لر افغانلرنینگ چیت ایللیک اولکه لرده بولیب ازاد فکر بیلدیریشلریگه قادر ایمس لیگینی کورسه تیش دیه فکر بیلدیرگن.

شوباعث عالی تینچلیک کینگشی هرقندی صلح جریانی مملکت ایشکریسده اوتکزیش کیرک لیگی نی ایتگن.

شونینگ دیک عالی تینچلیک کینگشی تمانیدن ترقه تیلگن بیاناتده، عرب امیرلیک بیرلشمه سی دولتی تامانیدن معتصم اغاجان گه قوییلگن چیکلاو لر برطرف ایتیلیشی اوچون اوشبو دولت رسمیلری بیلن علاقه قوریلگنی ایتیلگن.

بوندن نیچه آی آلدین او نینگ تشبثی بیلن دبی ده طالبان نینگ بیرقطار رهبرلری بیلن تینچلیک عالی کینگشی اورته سیده نتیجه بیرگن بولمسه هم تینچ لیک اوچون مذاکره یولگه قوییلگن ایدی.

بونینگ آرتیدن طالبان بیانات ترقه تیب بونده بوگروه آدرسیدن تینچلیک خصوصیده گی دبی ییغینده هیچ کیم قتنشمه گنی نی اظهارایتدی . عین حالده معتصم آغاجان بو گروه نینگ تشکیلاتی گه هیچ قنده ی مسوولیتی بولمه گنی هم معلوم قیلینگن ایدی.