سیلاوکمیسیونی: نامزدلراعلان ایتیله دیگن نتیجه لرنی کوتیش لری کیره ک

Image copyright AFP

افغانستان سیلاولر مستقل کمیسیونی گه کوره آوازلرنینگ کوپراغی اعلان ایتیلیشی بیلن نتیجه لر اوزگریشی ممکن. بو کمیسیون نامزدلردن نتیجه لرنی کوتیش لرینی سوره گن.

عین حالده جمهوررئیس لیک سیلاویده ایکینچی اورینده تورگن اشرف غنی احمد زی سیلاولرمستقل کمیسیونی دن حقیقی آوازلردن ناقانونی آوازلرمساله سی انیق لنگونگه قدر نتیجه لرنی کوپراغینی اعلان ایتیشیدن باش تارتیشی نی طلب قیلگن.

احمد زی جنابلری برچه نامزدلردن قلابلیک لروقانون بوزرلیکلرگه قرشی کوره ش اوچون بیرله شیش لرینی سوره گن.

سیلاو نینگ قسمی نتیجه سی حسابلنگن قریب 50فایزی بوندن بیر کون آلدین اعلان ایتیلیب بونده عبدالله عبدالله آلدینده تورگنی اعلان ایتیلدی.

بوکمیسیون آوازلر نینگ سنه لیشی باره سیده آلغه سیلجیش لر یوزبیرگنی دن هم خبر بیردی.

بوکمیسیونگه کوره جمهوررئیسلیککه عاید آواز ورقلری نینگ نتیجه لری دن 93فایزی تیزیم گه اوتکزیلیب و13ولایتدن 6ولایتی نینگ آوازلرینی قیته سنش ایشی توگه گن. کمیسیون نینگ معلوماتی گه کوره 1400محلنی نینگ آوازی تیکشیریلیب بوندن 466مرکز آوازی ایسه قیته سنلگن.

بو کمیسیون سوزچیسی نور محمد نور یولگه قوییلگن خبری انجمنده جمهور رئیس نامزدلریدن قسمی نتیجه لرنینگ کوپراغی اعلان ایتیلیشی نی کوتیش لرینی سوره ب بوقسمی نتیجه لرگه تاثیرقوییشینی تیل گه آلدی. بیرنرسه نی اونوتمسلیک لازم عاموی خبر واسطه لری تمانیدن سیلاونینگ اعلان ایتیلگن قسمی نتیجه بولیب نهایی نتیجه ایمس، بو اوزگره آله دی، ممکن بیر نامزد آوازی کوپه ییشی بیلن، باشقه نامزد آوازی آزه ییشی ممکن، ایکی دلیل اساسیده بیری بیزنتیجه ورق لرینی تیزیم گه اوتکزدیک، ایکینچی سی هرات دیک سیلاوشکایت لرینی تینگلش کمیسیون آلگن قرارلری بیزگه ییتیب کیلیشی بیلن نامزدلرنینگ ایگلله گن فایزی هم اوزگریشی ممکن دییدی نورجنابلری

نتیجه نینگ کوپراغی اعلان ایتیلیشی بیلن قلابلیک لروسیلاوگه عاید قانون بوزرلیک لر وایریم ولایت لرده گی قرنطین ایتیلگن آواز صندوق لری جدی بحث لرگه سبب بولماقده.

ایلگری اورینده تورگن نامزدلردن عبدالله عبدالله واشرف غنی احمد زی لر ایکله سی هم آوازلرنینگ سنش جریانی شفاف بولیشی باره سیده تاکیدله ماقده لر.

اشرف غنی احمد زی بوگون نتیجه لراعلان ایتیلیشی آرتیدن بونگه مناسبت بیلدیریب سیلاولرمستقل کمیسیونی دن حقیقی آوازلربیلن ناقانونی آوازلر اجره لمسدن سیلاونتیجه لری نینگ کوپراغی نی اعلان ایتمسلیک لرینی طلب قیلدی."سیلاولر مستقل کمیسیونی دن ینه بیر بار ایسته یمیز کیلگوسی نتیجه نینگ اعلان ایتیشیده برچه حقیقی آوازلربیلن شبهه لی آوازلرنی اجره تیشی لازم. وسیلاوگه عاید شکایت لرتیکشیریلیشی بیلن بوایش بجریشی لازم. خلق نینگ رای لری الهی امانت بولیب بونینگ محافظه ایتیش همه نینگ بورچی، شونگه اساله نیب برچه نامزدلردن ایسته یمیز بیرگه لیکده ساخته آوازلر وسیلاوگه عاید قانون بوزرلیک مساله لریگه کوره شیش اوچون یاردم بیریش لری لازم " دییدی احمد زی جنابلری

سیلاو مستقل کمیسیونی حاضرگه قدر قریب 3.5 میلیون آوازنتیجه سینی اعلان قیلگن، بوایسه قریب بیریلگن 50فایز آوازنی تشکیل بیره دی.

بو کمیسیون معلوماتی گه کوره بولیب اوتگن سیلاوده 7میلیون کیشی اطرافیده قتنشگن ، حاضرگچه هیچ بیر نامزد 50 علاوه بیرنی قولگه کیریته آلمه گن. بو کمیسیون تمانیدن نشر ایتیلگن گزارشده کوپراق آوازنی عبدالله عبدالله آلگن.

سیلاولر مستقل کمیسیونی نینگ معلوم قیلیشیچه سیلاونینگ ایکینچی دورگه کیتیشیگه کیره کلی تیارگرلیگی بار.