افغانستان تینچلیک عالی کینگشی: ملا معتصم آغا جان آزاد ایتیلدی

افغانستان تینچلیک عالی کینگشی نینگ اورین باسری قاضی محمد امین وقاد تصدیقله شیچه عرب امیرلیک بیرشلمه سی نینگ دبی شهریده ملا معتصم آغا جان گه قوییلگن چیکلاوبرطرف ایتیلیب او حاضر آزاد بولگن.

اونینگ تاکیدلشیچه طالبان نینگ بو مقامی افغانستان تینچلیک عالی کینگشی وطالبان گروهی آره سیده تینچلیک مذاکره سی یولگه قوییلیشی گه زمینه یره تردی، اما اوتگن کونلرده اونینگ بی دره ک بولگنی باره سیده خبرلرچیققن ایدی.

اونگه کوره، معتصم آغا جان دبیده گی اویده بولیب ، اما اونینگ تیلفونی فعال ایمس ایدی. افغانستان تینچلیک عالی کینگشی نینگ علاوه قیلیشیچه معتصم اغاجان نینگ پاسپورتی ده معما بولگنی اوچون چیکلاو قوییلگن بولیشی ممکن لیگینی ایتگن.

وقاد جنابلری معتصم اغاجان آزاد ایتیلیشی اوچون جمهوررییس کرزی عرب امیرلیک بیرلشمه سی مقاملری بیلن علاقه قورگنینی تاکیدلب، همده افغانستان دولتی نینگ بوخصوصده گی حرکتی نی هم فایده لی دیه فکر بیلدیردی.

تینچلیک عالی کینگشی مقاملری نینگ ایتیشلریچه حاضر معتصم اغا جان بیلن علاقه ده بولگن لر.

معتصم آغا جان طالبان نینگ مهم رهبرلریدن بولیب یقینده طالبان بیلن افغان حکومتی آره سیده تینچلیک مذاکره لری باشله نیشگه طرفداربولگنی ایتیلگن ایدی.

بوندن نیچه آی آلدین او نینگ تشبثی بیلن دبی ده طالبان نینگ بیرقطار رهبرلری بیلن تینچلیک عالی کینگشی اورته سیده نتیجه بیرگن بولمسه هم تینچ لیک اوچون مذاکره یولگه قوییلگن ایدی.

بونینگ آرتیدن طالبان بیانات ترقه تیب بونده بوگروه آدرسیدن تینچلیک خصوصیده گی دبی ییغینده هیچ کیم قتنشمه گنی ایتیلگن ایدی. عین حالده معتصم آغاجان بو گروه نینگ تشکیلاتی گه هیچ قنده ی مسوولیتی بولمه گنی نی هم معلوم قیلینگن ایدی.

معتصم آغا جان طالب حکومتی دوریده مالیه وزیری بولیب ایشله گن وملاعمر نینگ اینگ یقین آدم لریدن حسابلنردی.