ساغلیق نی سقلش وزیری پارلمانگه چقیریلدی

بوگون افغانستان ساغلیق نی سقلش وزیری کسلخانه لرده گی ساغلیق خذمتی نینگ صفتی پس بولگنی باره سیده جواب بیریش اوچون اولسی جرگه گه چقیریلگن ایدی.ساغلیق نی سقلش وزیری ثریا دلیل مجلس اعضالری تمانیدن اداره سیگه قره تیلگن تنقیدی اونلب سواللریگه جواب قیتردی.

مجلس اعضالری نینگ اساسی تنقیدلری دولتی وخصوصی کسلخانه لرکورسته دیگن خذمت لری معیارلرگه برابربولمه گنی واهالی اوچون ساغلیق خذمتی طلب لرگه برابر مهیا ایتیلمه گنی دن عبارت بولگن ایدی.

افغانستان ساغلیق نی سقلش وزیری اوچ ساعت گچه مجلس اعضالرینی سواللرینی تینگله دی. بو سواللردولتی وخصوصی کسلخانه لرده کورسه تیله دیگن خذمت لر صفتی بولگنی، خارجدن صفتی پس بولگن داری لر کیلتیریلیشی، ساغلیق خادم لری آیلیگی آزلیگی، زمان طلب لریگه برابرساغلیق مرکزلربولمه گنی دن عبارت ایدی، اما سواللروتنقیدلر نینگ کوپراغی کابل کسلخانه لری وضعیتی یمانلیگی گه قره تیلگن ایدی.

اما افغانستان ساغلیق وزیری بو سواللرگه قیسقه جواب بیردی. او اوزی باشقریب کیله یاتگن اداره سیده عملگه آشگن ایشلرنی بهالب، اما افغانستان نینگ ساغلیق ساحه سیده بودجه آز نظرده توتیلگنی نی ساغلیق خذمتی پس بولگنی نی سبب دیب ایتدی."بیز مسوولیت بیلن حقیقت نی قبول قیلیشیمیزکیره ک، اگر21عصرده گی ساغلیق خذمتی یره تیلیشی نی خواه لسک بونگه خرجت کیره ک، بوخرجت نینگ بیرقسمی نی حکومت بیریشی لازم، مملکت بودجه سی نینگ 15فایزی ساغلیق ساحه سیده اجره تیلیشی لازم، اوتگن ییللرجریانیده سیزلر اجره تگن پول 3.6فایز بوندن فقط بیرییلده 4فایزبودجه اجره تیلگن ایدی، سیز حکومتدن، تورت فایزبودجه بیلن سرطان ویورک کسلیگی نی دوالشه آلیشی نی کوتمسلیک لرینگیز لازم". دییدی افغانستان ساغلیق وزیری ثریا دلیل

بوگونگی ییغین 5ساعت دوام ایتدی، اما ساغلیق نی سقلش وزیری صحبتی گه قرشی مجلس نینگ ایریم اعضالری بیلدیرگن اعتراضی سبب مجلس تمانیدن هیچ قنده ی قرارآلینمه دی.

عین حالده جوزجان ملت وکیلی عنایت لله بابرفرهمند ساغلیق وزیری گه وکیللرتمانیدن قره تیلگن تنقید لرکوپ بولسه هم نهایتده وزیرجواب لری اولرنی قاندیرگنی نی ایته دی.

افغانستان ساغلیق وزیری بوندن آلدین هم نیچه مرته پارلمانگه چقیریلیب پارلمان اعضالری سواللری بیلن دوچ کیلگن ایدی. هرچند سونگی ییللرده ساغلیق ساحه سیده قطارایشلرعملگه آشیب، دولت کسلخانه لری یانیده خصوصی کسلخانه لر ایجاد ایتیلیب خذمت کورسه تیب کیله یاتگنی کوزه تیله دی. اما ساغلیق خذمتی نینگ صفتی پس بولگنی سبب اهالی نینگ شکایت لری بیلن بیرگه بولیب کیلماقده، حاضرهم کوپلب افغان لراوزلرینی دوالش اوچون هند وپاکستان مملکت لریگه یول آله دیلر، بومملکت لرگه سفرقیلیش مینگلب دالر خرجت طلب قیله دی.