پنجشنبه کونی قسمی نتیجه نینگ 80فایزدن کوپراغی اعلان ایتیلیشی ممکن

افغانستان سیلاولرمستقل کمیسیونی نینگ معلوم قیلیشیچه مملکت بویلب حاضرگه قدر جمهور رئیسلیک سیلاوی گه عاید آوازلر دن 89فایزدن کوپراغی تیزیم گه اوتکزیلیب وایرته ایسه نتیجه لرنینگ اوچینچی قسمی یعنی 80 فایزدن کوپراق آوازنتیجه لری اعلان ایتیلیشی دن خبربیرگن.

عین عالده افغانستانده گی بیرلشگن ملت لر تشکیلاتی اداره سی یا یونیما افغانستان سیلاو اداره لری آوازلرنی شفاف سنه گن لری اوچون تقدیرله نیش لرینی طلب قیلگن.

باشقه تاماندن سیلاو کمیسیونی نینگ رسانه لر بوییچه کمیسیونی سکوت چاغیده قانوننی ایاغ آستی قیلگن اوندن آرتیق رسانه نی 5مینگدن 75افغانی نقدی جریمه گه جزاله گن.

شبهه آستیده بولگن 1500محل آوازلریدن 1463محل آوازلری تیکشیریلیب نتیجه لرنی توپلش مرکزی گه ییتکزیلگن وحاضرایسه سیلاوکمیسیونی تیزیمی گه اوتکزیلماقده.

افغانستان سیلاولر مستقل کمیسیونی نینگ سوزچیسی نور محمد نورخبری انجمنده بو محللرنینگ آوازصندوقلریدن کوپراغی بیر نامزد منفعتی گه بولگنی اوچون تیکشیریلیشی باره سیده قرار قبول قیلینگنی نی ایتدی.

شونینگ دیک نور جنابلری گه کوره قیته سنش محللردن 789 محل نینگ ایشی بیتگن ونتیجه لری مرکزگه ییتکزیلگن.

شونینگ دیک بو کمیسیون سوزچیسی گه کوره اونگه ییتیب کیلگن گزارشلراساسیده جمهور رئیس لیک آوازلری نینگ 89فایزی تیزیم گه کیریتیلیب و5شنبه کونی نتیجه نینگ اوچینچی قسمی یعنی 80فایزدن کوپراق آوازنتیجه لری اعلان ایتیلیشی ممکن"89.29فایز آوازورق نتیجه لری آرشیف قیلینگن، بو نتیجه لرنی بیزمطبوعات واهالی گه شریک قیلیشیمیز اوچون تیار، ایرته جمهور رئیس لیک نتیجه لری نینگ ینه بیر قسمی نی اهالی گه اعلان ایته میز، 6ثور شنبه کونی بیز دستلبکی نتیجه لرنی اعلان ایتسک" دییدی نور جنابلری

بیراق سیلاولرمستقل کمیسونی 5شنبه کونی جمهور رئیسلیک سیلاوی نینگ دستلبکی نتیجه لرینی اعلان ایتیشی کوتیلردی. اما سیلاوآوازلری باره سیده گی شکایت قیلینگن حجت لرتیکشیریلیشی توگه مه گنی وجمعه کونی رخصت بولگنی اوچون ایکی کون کیین اعلان ایتیلیشی معلوم قیلیندی.

عین حالده بوگون یونیما بیر بیانات ترقه تیب سیلاوکمیسیون لری سیلاو شفاف لیگی اوچون سعی وحرکت قیلگن لری بهالش گه لایق دیب ایتگن.

افغانستانده گی بیرلشگن ملت لرتشکیلاتی نینگ مخصوص وکیلی یان کوبیش بو کمیسیون مسووللری بیلن اوچره شگن چاغده بوکمیسیون لردن اوز منت دارچیلیگی نی اظهارایتیب ینه بیر مرته بیرلشگن ملت لر تشکیلاتی افغانستان سیلاویدن حمایت ایتیشی نی تاکیدله گن.

باشقه تاماندن بوگون سیلاوکمیسیونی نینگ رسانه لربوییچه کمیسیونی ایسه 13ته تلویزیون وبیرته رادیو نی سیلاوگه عاید قانون نی ایاغ آستی قیلیب سکوت چاغیده انیق نامزد منفعتی فعالیت قیلیش عیبی بیلن 5مینگدن 75افغانی گه قدر نقدی جریمه حکمی بیلن جزا له دی.