"شبهه لی آوازلرنینگ بیرقسمی سنه لیب وتیکشیریلگن"

Image copyright AFP

افغانستان سیلاولرمستقل کمیسیونی جمهور رئیسلیک سیلاویگه عاید شکایت قیلینگن آوازصندوق لرینی تیکشیریش وقیته سنش ایشلری آلغه کیتگنیدن خبربیرگن.

بوکمیسیون گه کوره حاضرگچه قریب بیرمینگ محل آوازلری تیکشیریلیب و بیش یوزدن آرتیق محل نینگ هم آوازلری قیته سنلگن.

جمهور رئیس لیک سیلاوی نینگ دستلبکی نتیجه لری نینگ اعلان ایتیلیشیگه فقط گینه 2کون کون قالگن. اما سیلاوگه عایدایشلرقالیشی گه قره مسدن بو کمیسیون نتیجه لرنینگ اوز وقتیده اعلان ایتیلیشی نی معلوم قیلماقده.

عین حالده بوکمیسیون جمهوررئیس لیک سیلاونتیجه لری اعلان ایتیلیشی بیلن ولایت کینگش سیلاونتیجه لری نینگ اعلان ایتیش ایشلری باشلنیشیدن معلوم قیلماقده.

بوندن آلدین افغانستان سیلاولر مستقل کمیسیونی بو کمیسیونگه گه یوللنگن شکایت لرگه اساسله نیب 1610محل ده گی آواز صندوقلری تیکشیریلیشی و789محل نینگ آوازلری قیته سنه لیشی باره سیده قرارآلگن ایدی.

کابلده بوگون یولگه قوییلگن خبری انجمنده بوکمیسیون بو قرار یوزه سیدن بو ایکی بولیم ده ایشلری آلغه کیتگنیدن خبر بیردی.بوخصوصده بو کمیسیون سوزچیسی نور محمد" افغانستان بویلب 1610محل تیکشیریلشی باره سیده قرارقبول قیلینگن ایدی، بوندن 851محل تیکشیریلگن، بوایسه 52اوندن توقیز فایزنی تشکیل بیره دی، وآوازلر قیته سنه له دیگن 789 محلدن هم 557محل آوازلری قیته سنلدی وقالگنی هم آقشامگچه ایشی توگب، نتیجه ورق لری ایسه نتیجه لرنی توپلش حسابیگه اوته دی" دییدی نورجنابلری

هرچند سیلاولرمستقل کمیسیونی جمهور رئیس لیک سیلاو نتیجه لرینی کوزلنگن تاریخده اعلان ایتیلیشی ممکن لیگی نی ایته دی. اما متخصص لرگه کوره سیلاوگه عاید قلابلیک وقانون بوزرلیک لرنی تیکشیریش جریانی کوپ مدت نی طلب قیلیشی و اعلان ایتیش وقتی ده هم ایکی کون قالگنی اوچون آرتده قالیشی ممکن.

عین حالده بو کمیسیون نینگ معلوم قیلیشیچه جمهور رئیسلیک سیلاوی نینگ دستلبکی نتیجه لری اعلان ایتیلیشی آرتیدن ولایت کینگش سیلاو نتیجه لرینی هم اعلان ایتیش جریانی باشله نیشی ممکن.

باشقه تماندن بوگون کابلده اونلب مدنی تشکیلات اعضالری ییغین یولگه قوییب سیلاولرمستقل کمیسیونی وسیلاوشکایت لرینی تیکشیریش کمیسیونی دن شفاف وعدالتلی سیلاو بولیشی گه بی طرف قالیش لرینی سوره دیلر." نتیجه نینگ قبول قیلیش اوچون اینگ مهم مساله ایسه ایکی کمیسیون نینگ ایشی شفاف بولیشیگه باغلیق، وحاضر افغان خلقی ، مدنی جماعه چیلیک وافغان امنیتی کوچلری ملی ارزش حسابلنگن سیلاوبولیب اوتیشی ضرورلیگی گه ایشانچ لری بارلیگی نی اثباتلب بیرگن لری گه گواه ایدیک" دییدی تیفا تشکیلاتی باشلیغی نعیم ایوب زاده

16حمل بولیب اوتگن سیلاوده مملکت بویلب قطار قلابلیک وقانون بوزلیک حاللری یوزبیرگنی آرتیدن نامزدلر، اهالی ومدنی تشکیلات لرتمانیدن سیلاونتیجه سی خصوصیده بوکبی خواطرلر کون سایین یوزه گه چیقماقده.

سیلاولر مستقل کمیسیونی حاضرگه قدر قریب 3.5 میلیون آوازنتیجه سینی اعلان قیلگن، بوایسه بوتون مملکت بویلب بیریلگن آوازنینگ 50فایزینی تشکیل بیره دی.

بو کمیسیون معلوماتی گه کوره بولیب اوتگن سیلاوده 7میلیون کیشی اطرافیده قتنشگن ، حاضرگچه هیچ بیر نامزد 50 علاوه بیرنی قولگه کیریته آلمه گن. بو کمیسیون تمانیدن نشر ایتیلگن گزارشده کوپراق آوازنی عبدالله عبدالله آلیب وایکینچی کوپ آواز آلگن کیشی هم داکتر اشرف غنی احمد زی بولگن.

سیلاولر مستقل کمیسیونی نینگ معلوم قیلیشیچه سیلاونینگ ایکینچی دورگه کیتیشیگه کیره کلی تیارگرلیگی بار.