8ثورکینگ نشانلنمسلیگی گه سبب نیمه؟

Image caption 1387ییل 8ثورده اوتکزیله دیگن بیره م مراسمی هجوم گه توتیلگنی باعث بومراسم لرنینگ اوتکزیلیشی جمهوررئیسلیک ومدافعه وزیرلیگی ده چیکله نیب قالدی.

بوگون مجاهدلرغلبه قازانیب قدرتنی ایگلله شی دن 22ییل اوتماقده. جهادی گروه لر1371ییل 8ثورده پایتخت کابلگه کیردیلر. بوندن آلتی ییل آلدین مقدم یعنی 1387ییل 8ثورده اوتکزیله دیگن بیره م مراسمی هجوم گه توتیلگنی باعث بومراسم لرنینگ اوتکزیلیشی جمهوررئیسلیک ومدافعه وزیرلیگی ده چیکله نیب قالدی. افغانستان دولتی بو چیکلاولرنی امنیتی معما دیب ایته دی، بیراق جهادی جریان لربوقرارنی سیاسی مقصدلر اساسیده عملگه آشیریلگنی نی تاکیدله ماقده لر. کابل نینگ بیره م یولگه قوییله دیگن محله سی 1387ییل 8ثوربیره می قوراللی لرتمانیدن هجوم گه توتیلگنی سبب باشقه بو محلده بیره م یولگه قوییلمه دی. بو حادثه ده ایکی کیشی اینیقسه پارلمان اعضالریدن بیری هلاک ایتیلیب وباشقه 10 کیشی هم یره لندی. اوشه مدتدن بیری بو بیره م نینگ نشانله نیشی مدافعه وزیرلیگی ده اوتکزیله دی. اوهم مستقل لیک مناریگه فقط دسته گل قوییش بیلن. افغانستان دولتی بو بیره م نینگ چیکلنگنی نی خوف سیزلیک معماسی دیب ایته دی. بوخصوصده دایم شونگه اوخشش بیره م لرنی اوتکزیش کمیسیون اعضالریدن بولگن مدافعه وزیرلیگی سوزچیسی ظاهر عظیمی"سببی نیمه لیگی نی بیلمه یمن، دایم شونگه اوخشش کونلرنی نشانلش مساله سی دولت نینگ یوقاری مرتبه لی رسمی لری قراری بیلن آلینردی، کیین بویروغی بیزلرگه بیریلردی، کیین بیزبونی عملگه آشیرردیک، اوتگن نیچه ییلده بو قرارآلینمه گن، علتی نیمه لیگی نی هم بیلمه یمن، بیزعملگه آشیره دیگن میز قرارآله دیگن حکومت بولگن" دییدی عظیمی جنابلری اما جهادی حزب لربوکوننی تاریخی بیر حادثه بولگنی نی ایتیب بومساله دن کوزیومیشده حکومت چوکاتیده گی ایریم حلقه لرتمانیدن سعی وحرکت قیله یاتگن لیک عیبله ماقده. شونینگ دیک جهادی رهبرلردن ایریم لری دولت ده نیچه فکربولگنی سبب هم 8ثوربیره می اونتیله یاتگنی نی تاکیدله ماقده. جمهور رئیس لیک نینگ ایشلرامور اداره سی گه کوره امنیتی معما تشویش لریدن باشقه هیچ دلیل بونینگ آرتیده بولمه گن. بو اداره سوزچیسی جواد جاویدبو کوندن دولت کوز یومیشی نی کیلیشماوچیلیک مساله دیب ایته دی."بخت گه قرشی بوندن نیچه ییل مقدم بیره م مراسمی افغانستان یاولری تمانیدن هجومگه توتیلدی، بو هجوم نتیجه سیده بیر قطار وکیللریمیزهلاک ایتیلدی، بخت گه قرشی بیره م اوشندن بیری کینگ بیر شکلده اوتکزیلمه یدی، بوندن تشقری باشقه هیچ قنده ی دلیل بونینگ آرتیده یوق، حقیقت بیلن ایتگنده افغانستان، ترورچیلیک عمللری بیلن دوچ کیلیب تورگن" دییدی جواد جاوید عین حالده فاریاب لیک عطا محمدخان نینگ معلوم قیلیشیچه بوکون افغانستان خلقی اوچون کته یوتوق حسابلنه دی، اما بوندن بیرقطارلراوز منفعت لری اوچون فایده لنگنی اوچون اوز توسی نی قولدن بیریب باره یاتگنی نی ایته دی. بوگون افغانستان ده مجاهدلر موفقیتی دن نشانلش نیچه کیچیک ییغین لربیلن چیکلنگن ایدی. بو موضوعنی یاریته دیگن رسانه لرسانی هم آزبولگن دیسه توغری کیله دی. بیرقطار جهادی گروه لرنینگ فکریچه بو کونگه کوزگه کورینرلی اعتبار قره تمسلیک جمعیت نینگ بیرقسمی نی کم ستیش بولیب بوایسه سیاسی اجتماعی و روحی معما لرنی آلیب کیلیشی ممکن. باشقه تاماندن یقینده بولیب اوتگن افغانستان جمهور رئیسلیک سیلاوی هم جهادی رهبرلر اوز موقع لری نی ایگللش اوچون یخشی زمینه بولگن ایدی. عین شوکونده بوندن 22ییل آلدین مجاهدلرنی سیاسی قدرتنی ایگلله دی. هرچند هلی هم جهادی رهبرلر سیاسی میدانده موقع لری بارلیگی کوزه تیله دی، اما کوپچیلیک فکریچه بو رهبرلرنینگ سیاسی کیم لیگی اوزگرگن. جمهوررئیس لیک نامزدلریدن کوپراغی جهادی رهبرلربولیب، اما بوجریانده اکثریسی کوپ آوازآله آلمه دی، کوپ آوازآلگن لرهم آوازی نینگ کته قسمی قوم اساسیده بولگنی معلوم قیلینماقده.