عبدالله و اورین باسری سیلاواداره لرینی آگاهلنتیردی

افغانستان جمهور رئیسلیک سیلاوی نینگ آلدین ده تورگن نامزدلریدن عبدالله عبدالله سیلاومستقل کمیسیونی نی آگاه لنتیریب سیلاونتیجه سیگه عاید "هرقنده ی اویین" خلق دقتی دن چیتده قالمسلیگی نی ایتیب بوعملگه آشمسلیگی ممکن دیدی.

عبدالله جنابلری ایسه داکترنجیب الله حکومتی مجاهدلرتمانیدن قوله تیلیشی گه 22ییل تولیشی مناسبتی اوچون کابل ده یولگه قوییلگن ییغین گه بوسوزلرنی تیل گه الدی.

عبدالله جنابلری گه کوره سیلاونتیجه لری اعلان ایتیلگونگه قدر اهالی تشویشلنمسلیگی اوچون تیمی بوحقده گپیرمسلیک باره سیده قرارآلگن ایدی. "اما کوریلینگ چی حق تلف لیک بولگن تقدیرده آوازچیقریشیمیزحتمی وافغانستان خلقی نینگ حقی دن مدافعه ایته میز.

بیراق اونینگ ایکینچی اورین باسری محمد محقق جدی تنقیدلربیلن چیقدی.

محقق جنابلری گه کوره:"نیمه اوچون افغانستان خلقی آوازی بیلن اویین بولسین؟ نیمه اوچون خلقی نینگ تیمی موفقیت چوقیسی گه یتگن بیرباسقیچده حق لری کویسن".

محقق جنابلری کرزی دن مملکت نی بحران ساری ییتکلش گه یول آچمسلیگی نی طلب قیلیب و سیلاودن کیین وشوکونلرده دوام ایته یاتگن قلابلیک لرنی آلدینی آلیشی کیره کلیگی نی تاکیدله دی.

شونینگ دیک محقق سیلاوایکینچی دورگه کیتیشی ناممکن لیگی نی ایتیب اوایکینچی دورده هم کته موفقیت بیلن اوز منفعت لریگه یکونلنه نیشی نی تاکیدله دی.

جمهور رئیس لیک سیلاوی نینگ دستلبکی نتیجه لریگه کوره هیچ بیر نامزد سیلاوده غلبه قازانمه گن، عبدالله عبدالله 44.9 واشرف غنی احمدزی 31.5فایزآوازنی قولگه کیلتیرگن لر. حاضرگچه 444آواز صندوقی نینگ تقدیری نامعلوم و100یوزمینگ اطرافیده بولگن آوازهم بیکارقیلینگن ایدی.

عین پیتده افغانستان سیلاوشکایتلر کمیسیونی گه کوره ییتیب کیلگن برچه شکایت لرنی تینگله شی ممکن وهیچ بیر نامزد حقی کویمه یدی.