افغانستان پلیسی: پاکستاندن یوزته راکت اوقی کنرگه آتیلگن

کنر ولایتیده پاکستان عسکر لری تمانیدن آتیلگن اوق لر طفیلی بیرقنچه اوی لرویران بولیب وحاضرگه چه 15 عایله اوی جایلرینی تشلب چیققن .کنر ولایتی پلیسی گه کوره اوتکن بیر هفته دوامیده پاکستان عسکرلری تمانیدن 100 راکت اوقی افغانستان توپراغی گه قره ته آتیلگن. افغانستان جنوب شرقیده گی کنرولایتی نینگ پلیس قوماندانی عبدالحبیب سیدخیل راکت هجوم لرینی تصدیقلب عین شوگون نینگ اوزیده ینه 18 راکت آتیلنگنی نی اورغولب مذکور راکت لر کنر ولایتی نینگ شیگل ودانگام تومنلریگه کیلیب توشگنی نی معلوم قیلدی. رسمیلرگه کوره بو راکت لرنینگ کیلیب توشگنی طفیلی 15 عایله اوی جایلرینی تشلب چیقیشگه مجبور بولیب همده بیرمسجد و 6 اوی هم ویران بولیب و کوپلپ چاروا لر هم نابود بولگن . هرچند بو بیرینچی مرته ایمس پاکستان عسکرلری تمانیدن افغانستان توپراغیگه راکت آتیله دی، بلکه بو ایسه اوتمیش لردن بیری هم دوام ایتیب کیلماقده. بوایسه هر ایکه له مملکت مناسبت لرینی یمانله شیشیگه هم سبب بولگن. حتی افغانستان ایلچی سی بوخصوصده بیرلشگن ملت لر شوراسیگه هم شکایت قیلیب پاکستان نینگ بو کبی عمل لری افغانستان ملی حاکمیتی گه دیب تنقیدله گن ایدی . بیراق پاکستان رسمیلری بو راکت لرنی عصیانچی لرنینگ هجوم لریدن مدافعه ایتیش اوچون اتیشینی تأکیدله یدیلر. باشقه بیر خبرگه کوره طالبان گروهی کنر ولایتی نینگ ناره ولسواللیگی ده بیر عیال نی دولت گه جاسوسلیک عیبی گه باشینی تیندن جدا قیلیشگن . رسمیلر بو خبر نی تصدیق لب اوشبو عیال عمریولداشی بیلن بیر فرزندینی طالبان اوز لری بیلن الیب کیتگنی نی معلوم قیلگن لر. همده اولر گه کوره بو شخص لر نی تقدیری حاضرگه قدر معلوم ایمس . شو نینگ دیک افغانستان شمالشرقی بدخشان ولایتی ده جایلشگن وردوج تومنیده 13 ساعتدن بویان طالبان و حکومت اره سیده قتیغ اتشمه روی بیرگنی ایتیله دی، لیکن رسمیلرتلفات لرباره سیده هیچ نرسه دیمه گن لر.