فاریابده کمیده ایکی یوز جنگری پولیس پوسته لریگه هجوم قیلگن

بو جنگریلر فاریاب نینگ المار و قیصار تومنلریدن کیلیب، دولت آبادنینگ فیروزآی و خیرآباد قیشلاقلریده جایلشگن خوفسیزلیک پوسته لریگه هجوم قیلیشگن. ایکله تمان ارا بیرنیچه ساعت آتیشمه دوام ایتدیریلگن. نتیجه ده سکیز جنگری نابود بولگن و بیش نفر هم تن جراحتی آلگن.

حادثه کونی کیچه ساعت 10 اطرافیده یوز بیرگن.

دولت آباد تومنی حاکمی سید عبدالسلام نزهت، بو اوروشده بیر محلی وبیرملی پلیس هم یره لنگن. هلاک ایتیلگن عصیانچی لردن اوچته سی نینگ جسدی اوروش میدانیده قالیب تومن مرکزیگه آلیب کیلینگن دییدی.

نزهت نینگ ایتیشیچه، توقنه شوو دوامیده میمنه دن محلگه ییتیب قوشیمچه کوچلرسبب، جنگریلر محلدن قاچیب چیقیشگن.

دولت آباد تومنی میمنه ـ شبرغان شاه یولیده جایلشگن بولیب، بوتومنده سونگی وقت لر قوراللی مخالفلرنینگ فعالیتی کوزه تیله یاتگنی ایتیله دی. یکشنبه دن دوشنبه کونی گه اوتر کیچه سی هم قوراللی جنگریلر ییتی کیشی نی یولدن اوغیرلب کیتیشگندی. اولر مذکور نفرلردن بیشته سینی قوییب یوباریشدی، اما بو توغریده واسطه چیلیک قیلگن شخصلردن بیری اوشه کون نینگ اوزیده یول آقیمیده نامعلوم قوراللی شخصلر تمانیدن آتیب اولدیریلدی.

باشقه بیر خبرگه کوره، فاریاب نینگ شیرین تگاب تومنی بلوچ قیشلاغی قوم اولوغلی و اجتماعی فعالی اوتگن کون کیچقرون نامعلوم شخصلر تمانیدن اوققه توتیلیب اولدیرگن. بو حادثه مذکور شخص مسجد دن چیقه یاتگن بیرچاغده یوز بیرگن.

شیرین تگان تومنی حاکیم حادثه نی تصدیقلب، قاتللرنی قیدیریش ایشلری باشلنگنینی ایتگن.

فاریاب نینگ خوفسیزلیک وضعیتی سونگی پیتلر مرکبلشگن. قوراللی مخالفلر اکثر حاللرده عادی انسانلرنی نشان گه آله دی. اما دولت کوچلری هنوزگچه اولرگه قرشی جدی چاره کوریب چیقمه گن.