غزنی ده 50 ته جنگری اولدیریلگن

Image copyright

غزنی ولایتی محل مسووللری، جنگری طالبان ودولت خوفسیزلیک کوچلری اورته سیده یوز بیرگن قتیق توقنه شووده کمیده 50 نفر جنگری اولدیریلگنینی ایتگن.

غزنی حاکیمی معاونی محمدعلی احمدی نینگ بی بی سیگه ایتیشیچه، مذکور جنگریلر ملی اردو و ملی پولیس کوچلری تمانیدن گیلان تومنینی تازه لش اوچون یولگه قوییلگن حربی عملیات نتیجه سیده نابود قیلینگن.

احمدیگه کوره، بو عملیات بوندن ایکی کون آلدین باشلنگن و بو جریانده 36 جنگری هم یره لنگن.

ایچکی ایشلروزیرلیگی هم اوزی نینگ ویب صحیفه سیده بوخبرنی تصدیقلب، سوزچیسی صدیق صدیقی تلفات سانی نی یازیب قالدیرگن.

بو وزیرلیک نینگ ایتیشیچه، مذکور عملیاتده غزنی نینگ گیلان وباشقه تومنلریده تیرورچیلیک فعالیت قیله یاتگن گروه نابود قیلینگن.

غزنی مسووللری، بو عملیاتده شونینگ دیک، ملی اردو بیر عسکری اولگن ، بیرته سی یره لنیب، باشقه بیرته سی ایسه، جنگریلرنینگ قولیگه اوتگن.

ایچکی ایشلروزیرلیگی گیلان نینگ جنگریلر وجودیدن تازه لش بیلن وضعیت اوییرده یخشیلنه دی.

اما جنگری طالبان بو جقده بیرارنرسه دیمه گن.

غزنی مملکت نینگ ناتینچ ولایتلریدن جمله سیگه کیره دی.

غزنی حاکیمی معاونی هوا ایسیب باریشی بیلن طالبان اوز هجوملرینی شدتلنتیره دی دییدی.