جوزجان طبیعی آفت کمیته سی رییسی قاره لاوچیلیککه تنیشتیریلدی

Image caption جوزجان ولایتی طبیعی آفتلرگه قرشی کوره ش کمیته سی رییسی عزیزالله ایماق سیلدن ضررلنگنلراوچون قیلینگن یاردملردن بیرمقدارینی اوغیرله گنلیکده عیبلندی.

جوزجان ولایتی طبیعی آفتلرگه قرشی کوره ش کمیته سی رییسی عزیزالله ایماق سیلدن ضررلنگنلراوچون قیلینگن یاردملردن بیرمقدارینی اوغیرله گنلیکده عیبلندی.جوزجان حاکیمی قضه سی یوزه سیدن اونی قاره لاوچیلیککه تنیشتیرگن.

جوزجان ولایتی حاکمی بایمراد قویینلی بو ولایت طبیی آفتلرگه قرشی کوره ش کمیته سی رییسی عزیزالله ایماق نی آذربایجان دولتی تمانیدن یوباریلگن 122 تون یاردملردن ایکی موترینی اوغیرله گنلیکده عیبله دی.

بایمراد قویینلی بوحقده ییترلی حجت ـ گواه لر قولده ایکنینی ایتیماقده.

اما طبیعی آفتلرگه قرشی کوره ش کمیته سی رییسی، بونی اوزیگه قوییلگن بیردعا دیه رد ایتماقده.

جوزجان حاکیمی مذکور یاردملر مزارشریفدن جوزجانگه تمان آلیب باریله یاتگن بیرچاغده، طبیعی آفتلر رییسی تمانیدن اوغیرلنگن دییدی. حاکیمگه کوره، او مسله آچیقلنیشی اوچون عیبدارنی قاره لاوچیلیککه تنیشتیرگن.

اما طبیعی آفت کمیته سی رییسی بونی اوزیگه قرشی بیر داعا دیه تاکیدله ماقده.

ایماق جنابلری، آذربایجان دن ییتکزیلگن آذیق آوقت، و کییم کییچک دن عبارت بولگن یاردملردن 11 قلمی نی ایکی موتر آرقه لی جوزجان گه ییتکزیب، رسمآ ولایت مسووللریگه تاپشیردیم، دییدی.

او شونینگدیک، بوخصوصده بیرار بیر کمچلیککه یول قویگن بولسه، جوابگرلیککه تیارایکنینی بیلدیرماقده.

عین حالده، جوزجان قاره لاوچیلیک اداره سی مسووللری هم ولایت حاکیمی تمانیدن اونینگ قولگه آلینیشی خصوصیده مکتوب ییتیب کیلگنینی دن خبر بیریشگن.

قاره لاوچیلیک اداره سیگه کوره، موضوع آچیقلنیشی اوچون عزیزالله ایماق نی حبسگه آلیش دستوری صادر قیلینگن.

شمالی جوزجان، سرپل وفاریاب ولایتلریده روی سونگی سوو تاشقینلریدن ضررلنگنلر اوچون ایچکی وتشقی خیریه تشکیلاتلرانسانپرورلیک یاردملرینی ییتکزیب بیریشگن. اما جبردیده لر، یاردملر تینگ وبرابر شکلده ترقه تیلمه ی، محلی زوره وان شخصلر و واسطه دارلرنینگ چونته گیگه توشه یاتگنیدن شکایتده لر.