فاریاب ولایتی دن اوغیرلنگن 7نفردن 5کیشی سی آزاد ایتیلدی

فاریاب ولایتی نینگ دولت آباد بیلن اندخوی تومنی آره سیدن کونی کیچه اوغیرلنگن 7کیشی دن 5نفری بوگون ایرته لب قوییب یوباریلگن.

قوییب یوباریلگن محل آقسقاللری سعی وحرکت لری آزاد ایتیلگن لر.

طالبان تمانیدن آلیب کیتیلگن بوکیشی لرسراچه رسومیده بولگن نقلیه واسطه دن مزارشریف دن میمنه کیله یاتگن بیرچاغده مینیلگن نقلیه واسطه دن توشیریب نامعلوم محل گه آلیب کیتیلگن ایدی.

فاریاب ولایتی گه قره شلی دولت آباد تومنی نینگ حاکمی سید عبدالسلام نزهت اوشبو خبرنی تصدیقلب، طالبان گروهی کونی کیچه ساعت 9یقینلریده دولت آبادتومنی نینگ عید زی منطقه سیدن اولرنی اوغیرله گن لیک لرینی ایتدی. نزهت جنابلری محلی قوم آقسقاللری سعی وحرکت لری بیلن آلیب کیتیلگن لردن 5کیشی سی آزادایتیلگن لیک لرینی ایته دی.

تومن حاکمی بوکیشی لر حاجی صالح ناملی شخصی واسطه چیلیگی سبب آزادایتیلگن دیب معلوم قیلماقده. اونگه کوره بو شخص منطقه دن اوییگه قیتیب باره یاتگن زمانی یولده طالبان گروه تمانیدن اوققه توتیب هلاک ایتیلگن. قالگن ایکی کیشی دن بیری لولاش تومنی یشاوچیسی بولیب، بوکیشی قندهار ولایتی ده ملی اردو صفیده خذمت قیله یاتگنی ایتیله دی. شونینگدیک ینه بیری هم مرغابلیک بولیب، قه ییرده خذمت قیلیشی انیق بولمه گن. فاریاب ولایتی گه قره شلی دولت آباد تومنی بوولایت ناتینچ تومنلریدن سنه له دی.طالبان گروه بوحقده رسانه لرگه هیچ نیرسه دیمه گنلر. اوتکن کونی هم بلچراغ پلیسی نینگ استخبارات مدیری قیصارتومنی گه باره بیر پیتده طالبان گروهی تمانیدن اوغیرله نیب، کیین هلاک ایتیلگن ایدی.