اوزبیک- افغان چیگره سیده مینگدن آشیق تفت تانکر توپله نیب قالگن

اوزبیکستان افغانستانگه تیمر یول آرقه لی اوته دیگن نفت محصولات لرنینگ آقیمنی کمیتردی. اوزبیکستان تیمر یوللری شرکتی خبریده ایتلیشیچه، بوندی قرارگه کیلیشگه افغانستان تمان نینگ یوکلرنی قبول قیلیب آلیشده اولگور مه یاتگنی سبب بولگن.نتیجه ده 1200 دن ارتیق واگون توپله نیب قالگن.

" اوزبیکستان تیمریوللری" دولت حصه دارلیک شرکتی خبریده بیلدریشیچه، 2014 ییلی نینگ اپریل آیدن باشله نیب مستقل دولتلر هم دوستلیگی دولتلریدن افغانستانگه یوبارله دیگن قیته ایشلنگن نفت محصولاتلری آرتیلگن واگون لر سانی کیسکین آرتگن.

بیرکیچه کوندوزده 30 تانکر یا کی 1.5 مینگ تون نفت محصولاتلری آرتیلگن واگون چیگره دن اوتکزلماقده. بیراف افغانستان نینگ تیمر یول بیکتلری و یوک قبول قیلیش نقطه لریده گی شرایطلر بو کبی کته یوکونی اوز وقتیده قبول قیلیب آلیش امکانینی بیرمیدی. شرکتخبریده ایتلیشیچه، یوکنی قبول قیلیب آلاووچیلر ایچیده افغانستانده نفت محصولات لری نینگ نرخی کوتارلگونچه اونی واگون لرده سقلشنی افضل بیله یاتگن حالتلر هم اوچره ماقده.

نتیجه ده، 5 ینچی می گچه بولگن حالتده افغانستانده 783 تانکر و اوزبیکستان تمانیده ایسه 421 تانکر نفت محصولاتلر توپله نیب قالگن.

"اوزبیکستان تیمریوللری"شرکتی یوزه گه کیلگن حالتدن اوز خواطرلرینی بیلدرگن.

ایسیق آب – هوا خوفی

آب- هوا نینگ کیسکین ایسیب کیتیشی عاقبتیده تانکرلرده باسیم کوپییه دی. بو اوز نوبتیده یوک نینگ تانکردن تشقریده سیزیشیگه و سچره شیگه آلیب کیلیشی ممکن.

" نفت محصولاتلری آرتیلگن تانکرلرنینگ توپله نیب قالگن جایلریده الو و حتی کی پارتلش خوفی کیلیب چیقیشی ممکن"، دییله دی شرکت خبریده.

اگر افغانستان و اوزبیکستان اورته سیده یوکلرنی اوتکزیش و اولرنی قبول قیلیب آلیش توغری یولگه قوییلسه بیرکیچه کوندوز ده 100 تانکر یا کی 5 مینگ تن قیته ایشلنگن نفت محصولاتلرینی اوتکزیش امکانیتی بارلیگی تاکیدلنه دی .