غزنی ولایتده کی عملیاتده ۸۰ نفر طالب هلاک بولدی

Image copyright

افغانستان جنوبیده کی غزنی ولایتی محلی ملازم لری نینگ ایتیشیچه، پلیس و ملی اوردو کوچلری تمانیدن "وطن" اسمی آستیده یولگه قوییلگن حربی عملیات نتیجه سیده طالبان عصیانکالریدن کمیده۸۰ نفر هلاک بولگن.

غزنی ولایت حاکمی معاونی محمد علی احمدی نینگ بی بی سی گه ایتیشیچه هلاک بولگنلر آره سیده ۶ پاکستان لیک نینگ جسدی هم بار.

اونگه کوره بو عملیاتده طالبان عصیانکارلریدن ۳۷ نفرهم یره لنیب و اینگیل و آغر قورال اسلحه هم افغان کوچلری قولیده توشگن.

احمدی جنابلری نینگ تاکید له شیچه روی بیرگن توقنه شوده بیرنفر افغان عسکری هلاک و آلتی نفرعسکر ایسه یره لنگن. عینی دمده بیرنفرعسکر طالبان قولیده توشگن.

اونینگ خبرقیلیشیچه عملیات جریانیده قوشنی وردک و پکتیا ولایتلریدن یاردمچی عسکرلرایتیب کیلگنی اوچون توقنه شولر بیراز جوزلگن.

احمدی جنابلری، طالبان جنگ لرجریانیده عادی اهالی دن انسانی قلقان صفتیده قولنه یاتگن لیک لرینی معلوم قیلیب، مسجد و عادی اهالی نینگ اوی لریده پناه اله یاتگنلرینی ایتدی.

اونگه کوره منطقه ده کی بیر قطار هادی اهالی روی بیرگن توقنه شولر طفیلی اوز اوی جای لرینی ترک ایتیشگه مجبور بولگنلر .

طالبان ایسه بو حقده حاضرگچه فکر بیلدرمه گن .