طالبان جسدی بیلن عکسگه توشگن بریتانیا لیک عسکر

Image copyright non

نشر ایتلگن عکسلرده کورسه تیلیشیچه کمیده برنفربریتانیا لیک عسکر طالبان عصیانکارلری نینگ جسد بیلن عکس آلگن.

بو عکسلر 2012 ییلیده بریتانیا لیک لرنینگ افغانستان ده کی اساسی قرارگاه نینگ طالبان تمانیدن هجوم آستیگه آلینیشی آرتیدن آلینگن.

بریتانیا مدافعه وزیرلیگی نینگ اعلام قیلیشیچه، اولر بو عکس لردن اوتگن آی اگاه بولگن لر و بو توغریده تیکشیرو ایشلرینی هم باشلتگنلر.

عینی حادثه یوزه سیده قیرالی هوا کوچ لری نینگ ایککی نفر عسکری مقدم جبهه خط لریدن بوش تیلگن.

Image copyright non

2012 نینگ سبتمبر آیده کی هجوم آرتیدن بوعکس لرنینگ توشیرلگنی ایتلماقده. روی بیرگن هجومده ایککی نفر امریکا لیک عسکر و بیرنیچه بریتانیا لیک عسکر یره لنگن ایدی.

بونگه قوشیمچه بیرنیچه امریکا لیک حربی اوچاق لر هم ویران بولگندی.

نشر ایتلگن ایککی عکس ده بیر نفر بریتانیا لیک عسکر قانگه باتگن بیر طالب جسدی یانیده اوتیریب عکس آلگن.

Image copyright non

توشیرلگن ایککی عکس ده بیر و یا ایککی نفر نینگ بولگنی هنوزگچه انیق لنمه گن .

بریتانیا مدافعه وزیرلیگی گه کوره بوندی عملر نینگ روی بیریشی قبول قیلنمیدی. توشیرلگن عکس لر ایلک بار ( Live leak) ویب صفحه سیده نشر ایتلگن.