بریتانیا پارلمانی افغانستانده گی اوروش تیکشیریلیشی نی طلب قیلدی.

Image copyright GETTY IMAGES

بریتانیا پارلمانی وکیللری بو مملکت حکومتی دن افغانستان دن اوز حربی کوچلرینی آلیب چیقیشدن کیین آلگن درسلرینی تیکشیریش لرینی طلب قیلدیلر.

بو طلب بومملکت نینگ سنامجلسی مدافعه کمیته سی تمانیدن قیلینگن.

سنامجلسی نینگ مدافعه کمیته سی گه کوره بومملکت نینگ کابینه سی تمانیدن افغانستانده گی جنگ ده کوزلنگن مقصدگه ایریشیش اوچون سعی وحرکت بولگنی می یوقمی تیکشیریشی نی ایتگن.

بوکمیته گه کوره اوشبو تیکشیروده افغانستانده گی کوچلرسیاسی مقصدلرخصوصیده وجنگ نینگ تورلی باسقیچ لریده اوزگریش قنده لیگی وبومقصدگه ایریشیش اوچون سیاسی، اقتصادی وحربی یوللردن فایده له نیش ییترلی می یوقمی صحبت بولیشی کیره ک.

باشقه تاماندن بریتانیا مدافعه وزیری فیلیپ هموند افغانستان ترورچیلیک مرکزی قیته بولمسلیگی اوچون بریتانیا حربی لری سلماقلی حصه قوشگنی نی قدرلب وفخرلنرلی دیب ایتگن.

اوافغانستانده اوز مملکتی نینگ ماموریتی یکون تاپگندن کیین برچه ماموریت لری کوریب چیقیلیشی باره سیده سوزبیردی.

ناانیق کیله جک

بریتانیا نینگ سنا مجلسی مدافعه کمیته سی افغانستان جنگی باره سیده گی گزارشیده عصیانچی طالبان بومملکت گه دایمی وکوچلی تهدید بولگنی تیل گه آلینگن.

بوگزارش ده افغانستان، خارجی کوچلر چیقیشیدن کیین هم دنیا هم جمعیت مملکت لری حمایتی گه محتاج بولیشی ممکن لیگی قید ایتیلگن.

بو کمیته افغانستان کیله جگی باره سیده شبه بیلن قره ب بریتانیا مدافعه وزیری تمانیدن افغانستان ایچکی اوروشلرگه یوزتوتمسلیگی ممکن لیگی ایتیلگنی نی حقیقیت گه ایله نیشی گه امید قیلگن.

بو گزارشده یازیلیشیچه هرچند افغانستانده خارجی لرحضوری تورلی ساحه لرده ایجابی اوزگریش آلیب کیلیب یوتوق لر بیلن بیرگه بولگن. اما شونینگ دیک بو آلغه سیلجیش لرنتیجه سیزقالگن.

شونینگ دیک اوشبو گزارشده بریتانیا نینگ بو مملکتدن چیقه یاتگن بیرچاغیده هلمند ولایتی ده مخدره ماده لرگه قرشی کوره ش برنامه سیده موفق بولمه گنی ایتیلگن.

بریتانیا حربی لری مملکت نینگ جنوبیده گی هلمند ولایتی ده جایلشگن.

افغانستانده میلادی 2001دن حاضرگه قدر ترورگه قرشی بو مملکت نینگ 450حربی کوچلری هلاک ایتیلگن.