فاریاب وجوزجانده گی پارتلش و پیستیرمه ده کمیده اون پلیس وطالب هلاک ویره لنگن

طالبان گروهی نینگ اندخوی تومنیده گی تنیقلی قوماندانی اوچ صفداشی بیلن بیرگه پولیس کوچلری آرقلی هلاک ایتیلگن.

عین حالده جوزجان ولایتی نینگ خم آب تومنیده ماین پارتله شی عاقبتیده 5پلیس اولیب یره لنگن.

فاریاب امنیه قومندانلیگی نینگ سوزچیسی سید مسعود یعقوبی بی بی سی بیلن بولگن صحبتیده بوگون ایرته لب ساعت 6 یقین لریده بو ولایت نینگ اندخوی تومنی قوش مصطفی قل ناملی قیشلاغیده یوزبیرگنی نی ایتدی.

اونگه کوره هلاک ایتیلگن تورت قوراللی پولیس کوچلری تمانیدن اویوشتیریلگن پیستیرمه نتیجه سیده هلاک بولیشگن.

فاریاب پلیس قوماندانی سوزچیسی یعقوبی جنابلری طالبان اعضالریدن هلاک بولگن تورت جسد ایچیده قاری زمان ناملی طالبان گروهی نینگ مشهور قوماندانی هم بارلیگینی معلوم قیله دی.

او نینگ ایتشیچه بوپیستیرمه آرتیدن یوزبیرگن اوروش نتیجه سیده اوچ میل قورال ایکی عراده موترسکلیت هم ملی پلیس کوچلری قولیگه توشگن.

شونینگدیک پلیس سوزچیسی گه کوره قاری زمان ناملی مشهور قومندان اوزبیکستانلیک طاهر یولداش گروهی تشکیلاتی گه تیگیشلی بولگن

اونینگ نینگ هلاک ایتیلیشی اندخوی تومنی نینگ تینچلیگی گه تاثیرقوییشی ممکن دیب معلوم قیلینماقده.

یعقوبی جنابلری طالبان گه قرشی یولگه قوییلگن بوپیستیرمه عاقبتیده ملی پلیس وچیگره پولیس لری حصه قوشگن.

هلاک ایتیلگن بوطالب گروهی اعضالری موترسکلیت گه کیله یاتگن بیرچاغده پیستیرمه گه دوچ کیلیشب هلاک ایتیلگن.

عین دمده پولیس سوزچیسی قیصار تومنیده ایکی گروه طالب لرآره سیده اوروش یوزبیرگن لیگینی ایتیب، اوروش عاقبتیده اورتگه چیققن تلفات حقیده معلومات بولمه گن.

باشقه تاماندن جوزجان ولایتی نینگ خم آب تومنیده بوگون ایرته لب ماین پارتلشی عاقبتیده 3پلیس هلاک بولیب وینه 2 پلیس هم تن جراحتی آلگن.

خم آب اولوسوالیگی نینگ پلیس قوماندانی ظاهرخان اوشبو حادثه نی تصدیقلب پلیس کوچلری بو تومن ده گیزمه قیلیب قرارگاه لریگه قیته یاتگن بیر پیتده نقلیه واسطه لری ماین گه دوچ کیلیب بوحادثه روی بیرگنی نی معلوم قیلدی.

تومن پلیس قوماندانی نینگ معلوم قیلیشیچه پارتله گن بوماین اوزاقدن باشقریلیب بو خصوصده عیب له نیب هیچ کیم قولگه آلینمه گن. بیراق تومن رسمی لری بونگه طالباننی مسوول دیب عیب له ماقده لر.

خم آب تومنی رسمی لری یره لنگن لرتیزلیکده تومن مرکزیده گی کسلخانه گه دوالش اوچون آلیب باریلگنی نی ایتماقده لر.

تورکمستان بیلن چیگرداش بولگن جوزجان ولایتی نینگ خم آب تومنی بوولایت نینگ تینچ تومن لریدن حسابلنه دی. اما بوکبی پارتلش لریوزبیریشی اهالی نینگ تشویش لریگه سبب بولماقده.