جمهوررییسلیک سیلاوی ایککینچی دور گه کیتدی

مستقل سیلاولر کمیسیون نینگ اعلان قیلیشیچه، عبدالله عبدالله 45 فایز و اشرف غنی احمدزی 31.6 فایز آواز الیشیگه قادر بولگن. سیلاو نینگ ایککینچی دوری بیرینچی و ایککینچی اورینده تورگن بو ایککی نامزد اشتراکی بیلن بولیب اوتیشی اعلان قیلیندی.

نامزدلردن زلمی رسول 11.4 فایز عبدرب الرسول سیاف 7.3 فایز قطب الدین هلال 2.8 فایز گل آغاشیرزی 1.6 فایز داوود سلطان زوی 0.5 فایز و هدایت امین ارسلا 0.2 فایز آواز آلگن لر.

مستقل سیلاولر کمیسیون رییسی محمد یوسف نورستانی بوکونگی اوتکزگن مطبوعات انجمنیده سیلاو نینگ ایککینچی دوری جوزا آیی نینگ 24- سیده بولیب اوتیشی حقیده معلومات بیردی. حال بوکی سیلاولر قانونی اساسیده جمهوررییس لیک سیلاو نینگ ایککینچی دوری جوزا آیی نینگ یتتینچی سیده بولیب اوتیشی قید ایتیلگن.

نورستانی جنابلری بوندن الدین سیلاولر کمیسیون نینگ کابلده گی مرکزلریدن بیریگه هجوم قیلینگنی باعث کیره کلی ماده لر یانیب کیتگنینی ایتدی. او ایسه ایککینچی دور سیلاونی اوز وقتیگه بولیب اوتمسلیگیگه عامللریدن بیری هم شو مساله بولگنینی تاکیدله دی.

عینی حالده محمد یوسف نورستانی قلابلیککه قولی بولگن سیلاولر کمیسیون خادملری هیچ بیر زمان سیلاولر جریانیده اشتراک ایته آلمسلیک لرینی تیلگه آلدی.

مستقل سیلاولر کمیسیونی ایککینچی دور سیلاو تقویمی نی هم اعلان قیلدی:

ثور آی نینگ 27 سیدن جوزا آیی نینگ بیرینچی سیگه قدر سیلاوگه عاید کیره کلی ماده لر ولایات مرکزلریگه انتقال بیریله دی.

جوزا آیی نینگ تورتینچی سیدن 21 گه قدر اساسی ماده لر رای مرکزلری و اولسواللیک لرگه ییتکیزیله دی.

جوزا آیی نینگ بیرینچیسیدن سیلاو آلدی تبلیغی برنامه لر باشله نیب 21 گه قدر دوام تارتیشی ممکن.

جوزا آیی نینگ 24 – سیده سیلاونی ایککینچی دوری بولیب اوتیشی ممکن. سیلاولر کمیسیون نینگ اعلان قیلیشیچه، سرطان آیی نینگ 11 – سیده ایککینچی دور سیلاو دستلبکی نتیجه سی اعلان قیلینیب و نهایی نتیجه هم سرطان آی نینگ 31 ده اعلان بولیشی قید ایتیلگن.