افغانستان وپاکستان حربیلری اره سیده یوزبیرگن توقنه شوده بیر افغان عسکری هلاک بولدی

Image copyright

قندهار ولایتی نینگ مقاملریگه کوره ، بوگون پنچشنبه پاکستان نینگ چیگره قوریقچی کوچلری افغان چیگره قوریقچی کوچلریگه قرشی هجوم قیلیشگنیدن سونگ توقنه شوو باشلنیب کیتگن. یوزبیرگن توقنه شوو نتیجه سیده بیر افغان عسکری قربان بولگن.

قندهار ولایتی نینگ پلیس اداره سی سوزچیسی ضیا درانی، بی بی سی بیلن بولگن صحبتیده ایککی تامان هم ینگیل و آغیر قوراللر دن فایده لنگنینی ایتدی. درانی جنابلری پاکستانلیک کوچلر تلفاتی باره سیده خبری یوق لیگینی ایتیب بیر افغان پلیسی قربان بولگنینی تصدیق له دی.

افغان مقاملریگه کوره؛ توقنه شوو قندهار ولایتی نینگ معروف ناملی اولسواللیگی نینگ اعلی جرگه منطقه سیده روی بیرگن.

شونینگ دیک محلی رسمیلر توقنه شوو حاضرگه قدرهم دوام ایتیب کیله یاتگنینی ایتیب، لیکن پاکستان لیک حربیلر افغانستان توپراغیده گی پلیس پوسته لرینی تصرف ایتیشگه قادر بولمه گنینی ایتگن.

بوندن الدین هم افغانستان و پاکستان چیگره قوریقچی کوچلری آره سیده توقنه شوولر یوزبیرگن ایدی.