مزارشریفده یگانه ایپک فابریکه سیده 60 دن آرتیق عیال ایشلشه دی

Image caption افغان گل کوره، اولر ایشلب چیقه ریلگن اشیالرنی بازارگه چیقرمه یدیلر، بلکه ییل دوامیده اوتکزیله دیگن کورگزمه لرده نمایش ایتیشه دی

شمالی مزارشریفده عیاللر ایپک صنعتی رواجلنیشی اوچون ایپک فابریکه سی نی ایجاد ایتیب، 60 دن آرتیق ایش سیز عیال اوچون ایش زمینه سی یره تیلگن.

ایشلب چیقه ریله یاتگن محصولاتلر کته مبلغ گه ساتیلیب، ییلیگه ایکی مینگ دن آرتیق دالر فایده قولگه توشیریله یاتگنی ایتیله دی.

بوندن اون ییل مقدم تاسیس ایتیلگن رابعه مرادی صنعتی ایپک ایشلب چیقه رووچی فابریکه سیده، پلله ایپی دن تورلی خیل قرص ـ چادیرلر ایشلب چیقه ریلماقده. فابریکه مسووللری اولر هر بیر آیگه بیر مینگته قرص ایشلب چیقه ریشگه قادر و اولرنینگ اکثر خریدارلرینی خارجیلر تشکیل بیره دی.

"فایده بوندن آرتیق بولیشی ممکن، چونکه فایده بولمسه خادملرگه معاش بیره آلمه یمیز. بوییرده سیز کوریب تورگن غوزه لرنینگ همه سی تخم دیر. هربیر ولایتده 120 نفر عیال بیز بیلن ایشله شه دی. حاضر بیز اولرگه 2 مینگ دانه پله قورت نی ترقتدیک/بونی بیز تیگینگه بیره میز، کیین اولردن هر کیلوسینی 500 افغانی ساتیب آله میز"، ـ دییدی فابریکه مسوولی افغان گل.

افغان گل کوره، اولر ایشلب چیقه ریلگن اشیالرنی بازارگه چیقرمه یدیلر، بلکه ییل دوامیده اوتکزیله دیگن کورگزمه لرده نمایش ایتیشه دی.

بو مزارشریفده یگانه ایپک فابریکه سی. بو فابریکه ده عمومآ عیاللر اوچون قرص چادیرلر ایشلب چیقه ریله دی."اوچ آی ایچیده اون مینگ قرص ایشلب چیقرگن میز. کیفیتی یوقاری و نرخی هم مناسب"، ـ دییدی مارکیت نینگ مسووللریدن بیری حفیظه خان.

ایشلب چیقه ریلگن توارلر اینیقسه عیاللر کییه دیگن بیش تور قرص تورلی رنگلرده ایشلب چیقه ریله دی. قیمتلری ایسه، 2 مینگ افغانی دن 2 یوز گچه.

Image caption ایشلب چیقه ریلگن توارلر اینیقسه عیاللر کییه دیگن بیش تور قرص تورلی رنگلرده ایشلب چیقه ریله دی. قیمتلری ایسه، 2 مینگ افغانی دن 2 یوز گچه.

بو فابریکه ده عمومآ عیاللر ایشلشه دی. اولرنینگ بیرقطاری یاش قیزلردن عبارت. اما اکثریتی عایله دار خانم لر. آیلیک لری هم یخشی. شو آیلیک دن روزغارلرینی تیبره ته دی.

"یخشی امتیاز بیریشه دی. شو معاش بیلن روزغاریم نی تیبره ته من. آییگه 10 مینگ افغانی معاش آله من.ایرته لب ساعت 8 دن کیچقرون 4 گچه ایشله ی من. ایشیمدن راضی من، حیاتیمده اوزگرنی کوره من"، ـ دییدی خادملردن بیری.

بلخ ولایتی عیاللری سونگی ییللرده اوزلری بار امکانیتلریدن فایده لنیب، فعالیتلرینی کینگه یتیرماقده لر. اولر قول صنعتی جمله دن قالین، گلم و ایپک کییم لرنی ایشلب چیقریب، تجارت و زراعت ساحه لریده هم فعالیت باشله گنلر.

عیاللر ایشلب چیقرگن اونلب صناعتلری هر دایم کورگزمه گه قوییلیب، نمایش ایتیله دی. بلخ ولایتی محلی حاکمیتی هم عیاللرنینگ اقتصادی فعالیتلری رواجلنیشی اوچون کینگش زمینه یره تیشی نی وعده بیرماقده.اما اقتصادی تحلیلچیلر بو رواجلنیشلرنی ییترلی بیلیشمه یدی، اولرگه کوره، دولت هنوزهم بوو قتلم اوچون ییترلی درجه ده زمینه یره تمه گن.