مدافعه وزیرلیگی: پاکستان سیلاوامنیتی نی تامینلشگه یاردم بیره دی

بوگون کابلده ناتو، پاکستان وافغانستان اورته سیده منطقه ده گی خوف سیزلیک معماسی وافغانستان ده تینچلیک اورنه تیلیشی و سیلاو امنیتی نی تامین لش مساله لرینی محاکمه قیلیش اوچون اوچ تامانلمه ییغین یولگه قوییلگن.

پاکستان تامانی ترورچیلیککه قرشی کوره ش وسیلاوامنیتی نی تامین لشگه افغانستانگه یاردم بیریشی باره سیده سوزبیرگن.

بوییغینده افغانستان وناتو نینگ یوقاری مرتبه لی رسمی لری قوشیمچه پاکستان لوی درستیزی جنرال راحیل شریف هم اشتراک ایتگن.

هرچند بوندن آلدین بوکبی ییغین لر پاکستان وافغانستان آره سیده بولیب اوتگن، بیراق ایکی مملکت مناسبتلری نی یخشی لتشیریشگه اونچه لیک یاردم بیرمه گن.

ناتو، پاکستان وافغانستان اورته سیده گی بوگونگی ییغین بیلن 37ییغین اوتکزیلماقده.

مدافعه وزیرلیگی ده گی بوییغینده بیرینچی دن اوچ تامانلمه یولگه قوییلیب کیین پاکستان وافغانستان لوی درستیزلری اورته سیده ایکی تامانلمه ییغین بولیب اوتگن.

افغانستان مدافعه وزیرلیگی نینگ سوزچیسی جنرال ظاهر عظیمی آیساف ، پاکستان وافغانستان امنیتی مقام لری آره سیده گی اوچ تامانلمه بواوچره شووده امنیت، سیلاو وترورچیلیک که عاید مساله لرباره سیده صحبت بولیب اوتگن."بوصحبت لرده ایکی تامانلمه واوچ تامانلمه همکارلیکلر باره سیده تاکیدلب اوتیلدی، ترورچیلیککه قرشی کوره ش، دیورند چیزیغی ایکی تامانی خوف سیزلیگی نی تامین لش، سیلاو امنیتی نی تامینلشگه یاردم بیریش، وافغان تمانی ایسه پاکستان تامانیگه دیورند چیزیغی ایکی تامانیده گی موجودوضعیت باره سیده هم اوزتشویشلرینی اظهار ایتدی" دییدی عظیمی جنابلری

شونینگ دیک پاکستان لوی درستیزی جنرال راحیل شریف مملکتی، ترورچیلیککه قرشی کوره ش اوچون تیارایکن لیگی باره سیده سوزبیردی.

شریف جنابلری پاکستان تینچ لیک جریانی وسیلاونینگ امنیتی نی تامین لشگه یاردم بیریشی خصوصیده هم تاکیدله دی.

شونینگ دیک او ایکی مملکت علاقه لری کینگه ییب ومستحکمله نیشی اوستیده توخته لیب بومساله نی ایکی مملکت منفعتی ده بولگنی اوچون مهم دیب ایتدی.

افغان تامانی هم افغانستانده تینچلیک برقرارله نیشی نه فقط افغانستان منفعتی گه بولیب بلکی پاکستان ومنطقه منفعتیگه بولگنی نی بیلدیردی.

بوندن آلدین افغانستان تامانی پاکستان نی دایم چیگره مساله سی وجنگری گروه لر حمایت آستیده ایکنی خصوصیده عیبلب کیلگن ایدی.اما پاکستان تامانی ایسه بو ادعا لرنی دایم رد ایتیب کیلماقده.

سونگی ییللرده پاکستان تامانی دن افغانستان گه راکت لرآتیلیشی و جنگری گروه لر بومملکت چیگره سیدن افغانستانگه اوتیب دولت وخارجی کوچلرگه قرشی فعالیت قیلیش لری باره سیده خبرلرنشر ایتیلیب کیلماقده.

اما پاکستان دولتی ادعالرنی رد ایتیشیشگه قره مسدن طالبلرنینگ بیرقطار یوقاری مرتبه لی رهبرلری هم پاکستانده استقامت قیلیب کیلماقده.

باشقه تاماندن افغانستان بیلن پاکستان اورته سیده گی چیگره کوپ حدودنی تشکیل بیرگنی سبب افغانستان امنیتی کوچلرچیگره نی تولیق سقلشگه قادربولمه گن لر.