ایککینیچی دور سیلاو کمپاینی باشلندی

مستقل سیلاولر کمیسیون تقویمی اساسیده ایککینچی دور سیلاو اوچون سیلاو آلدی تبلیغی برنامه لر بوگون پنجشنبه کونی رسمی شکلده باشلندی و بو کمپاین ییگیرمه کونگه قدر دوام ایتیریله دی.

عبدالله عبدالله و اشرف غنی احمدزی جواز آیی نینگ 24- سیده بولیب اوتیشی ریجه لنگن سیلاو اوچون بیر بیرولری بیلن بیلشه دیلر.

مستقل سیلاولر کمیسیونی ایککی نامزد تبلیغی برنامه لری اوچون 10 میلیون افغانی صرف قیلیشیگه حقلری بارلیگینی معلوم قیلدی. شونینگ دیک نامزدلر بتلیغی برنامه لری خرجتی خصوصیده کمیسیون گه حساب بیریشلری کیره ک لیگینی تاکیدله ماقده.

هرچند سیلاولر قانونیده هربیر نامزد اون میلیون افغانی کمپاین اوچون صرف قیلیشی قید ایتیلگن، بیراق سیلاو نینگ بیرینچی دوریده سیلاو خرجتی اوته یوقاری بولگنی ایتیلدی.اما حاضرگه قدرهم نامزدلر قنچه مبلغ صرف قیلگنی اعلان قیلینمه گن.

افغانستان مستقل سیلاولر کمیسیون سوزچیسی نور محمد نور بی بی سی بیلن بولگن صحبتیده نامزد لرنینگ تبلیغی برنامه لری سیلاو کونیدن 48 ساعت آلدین گه قدر دوام تارتیشی نی اعلان قیلدی.

نور جنابلری شونینگ دیک سیلاو الدی تبلیغی برنامه لرجریانیده نامزد لردن هیچ بیری قومی و مذهبی مساله لرگه قول اوروش گه حقلری یوق لیگینی تاکیدله دی.

سیلاو جریانیده حکومت آدملری نینگ اره لشیشی یوقاری آواز الگن ایککی نامزد و مستقل سیلاولرکمیسیونی نینگ اساسی تشویشی گه ایلنگن .

مستقل سیلاولر کمیسیونی حکومت ادملرینی سیلاولر جریانیگه اره لشیشی الدی الینیشی نی افغانستان حکومتی دن طلب قیلگن.

ایتکچی ایککی نامزد عبدالله عبدالله و اشرف غنی احمدزی هم حکومت خادملری نینگ سیلاو جریانیگه اره لشیش لری الدی آلینیشی نی طلب قیلگن.

عینی حالده بو ایککی نامزد حکومت یوقاری مرتبه لی خادملری و امنیتی کوچلر انیق بیر نامزد نینگ ضرری ویا منفعتی گه ایش قیلسملیگینی تاکیدله گن.

افغانستان جمهوررییسی حامدکرزی هم نیچه بار حکومت نینگ یوقاری مرتبه لی خادملری و امنیتی کوچلرنینگ سیلاولر جریانیده طرف سیزقالیش لریگه تاکید قیلدی، اما سیلاو نینگ بیرینچی دوریده حکومت ادملری نینگ اره لشگنی گه حسابات لر ترقه تیلدی.