یمگان ده طالبان قورشاویده بولگن 27 افغان عسکری طالبان گه قوشیلدی

Image copyright javier manzano

بدخشان ولایتی نینگ پلیش باشلیغی گه کوره،اوشبو ولایت نینگ یمگان تومنیده طالبان قورشاویده بولگن 27 افغان عسکری محل اقسقاللری واسطه چیلیگی طالبان صفیگه قوشیلگن. بدخشان مقاملری یمگان تومنی حاضرگه قدرهم طالبان نظارتیگه بولگنینی ایتماقده.

بدخشان پلیس باشلیغی فضل الدی عیار بی بی سی بیلن بولگن صحبتیده یمگان تومنیده کمیده 200 قوراللی طالب جایلشگنینی تیلگه آلدی. شونینگدیک او افغان امنیتی کوچلری یمگان تومنی یقینده جایلشگنینی اورغولب تومن نینگ طالبان نظارتی دن چیقه ریش اوچون سعی و حرکت باشلگنینی ایتدی.

یمگان تومنی بوندن اوچ کون مقدم طالبان نظارتیگه اوتدی، افغانستان امنیتی کوچلری و طالبان اره سیده یوزبیرگن قتیق توقنه شوولرده سککیز پلیس هلاک بولگنی هم تصدیق لندیوطالبان قوراللی لری هم تلفات کورگنی ایتیله دی، لیکن انیق رقم یوق.

بدخشان رسمیلری 27 افغان عسکری قوم باشلیغ لری واسطه چیلیگی بیلن طالبان صفیگه قوشیلگنینی ایترایکن، بیراق طالبان گروهی بیر خبرنامه ترقه تیب مذکور 27 عسکر اولر تامانیدن اسیر الینگنیدن خبربیرگن. خبرنامه ده اسیر الینگنلردن بیرنیچه ته سی پلیس ضابط لری بولگنی ادعا قیلینگن.

بدخشان ولایت مقاملری بیر – ایککی کون جریانیده یمگان تومنی طالبان نظارتیدن چیقه ریلیشی گه امید بیلدیرگن.

یمگان تومنی بدخشان مرکزی فیض آباد شهریدن قریب سکسن کیلومتر اوزاق لیکده جایلشگن، قوراللی طالبان محلی وقت بیلن اوتگن کون ساعت اون اطرافیده اوشبو تومن گه هجوم قیلگن ایدی.

بو تومن بدخشان ولایتی نینگ جرم اولسواللیگی و تخار ولایتی نینگ تومنلریدن بیری بیلن قوشنی بولگن.

طالبان عصیانچیلری بیر خبرنامه ترقه تیب یمگان تومنی اوشبو گروه نظارتیگه اوتگنینی ایتیب 16 پلیس هلاک بولگنینی ادعا قیلگن، عین حالده بیاناتده اوچ قوراللی طالب هم هلاک بولگنی خبربیریلگن.

بدخشان افغانستان شمال شرقیده جایلشگن ولایت لردن بیری بولیب تاجیکستان ، پاکستان و چین بیلن قوشنی چیگره ایگه سونگی وقت لرده بو ولایت نینگ ایریم تومنلریده ایچکی و تشقی جنگری لر فعال بولگنی جدی تشویش لرنی توغدیرگن.