نمایشچی لر:"بدخشان تومنلریده امنیت تامین لنسین"

Image copyright Reuters
Image caption ناراضی شخص لربو ولایتده تینچلیک یامانله شیشیگه ولایت رسمی لری نی عیبله ماقده لر.

بدخشان ولایتی ده امنیت بوزیلیشی دن اعتراض بیلدیریب یوزلب کیشی بوگون ناراضیلیک نمایشی یولگن قویگن. ناراضی شخص لربو ولایتده تینچلیک یامانله شیشیگه ولایت رسمی لری نی عیبله ماقده لر. بو نمایش بوگون ایرته لب بدخشان ولایتی مرکزی فیض آباد شهری نینگ جوزون دیب اتلگن منطقه سیده قریب ایکی یوز اهالی نینگ اشتراکی بیلن یولگه قوییلدی . نمایشچی لر ولایت حاکمی وپلیس قوماندانی نینگ خواهله میمیزدیب قتیق شعار بیریشیب ینگی و ایسکی شهرنینگ باغلاوچی کوپریکی نینگ ترافیک یوزی گه یاپدیلر. نمایشچی لرنینگ اکثریسی نی یمگان وجرم تومن لری نینگ یشاوچی لری تشکیل بیرردی ، اولرمنطقه لری ناتینچ بولگنی اوچون مرکزی فیض اباد گه تشریف کیلتیریب کیین ناراضی لیک نمایشی نی یولگه قوییشگنی نی ایته دیلر. شونینگ دیک نمایشچی اوتکن هفته جریانیده یمگان تومنی ده روی بیرگن ناتینچ لیک لرگه محلی ملازم لرنی کفایت سیزلیککه عیب لب بوولسوالیگ نی طالبان نظارتیگه اوتکنی سبب لرینی جدی تیکشیریشینی طلب قیلدیلر. باشقه تماندن نمایشچیلر ناقرار لیک لرجریانیده عادی اهالی گه ضرر ییتکزیلگنی نی اورغولب اونلب اوی وجای لر اوت الگنی نی ایته دیلر. لیکن محلی ملازم لر نمایشچی لرتمانیدن بولگن ادعا لرنی رد ایتیب بونمایش لر آرقه سیده بعضی جریان لربارلیگی نی معلوم قیله دیلر. بدخشان ولایتی حاکمی شاه ولی الله ادیب روی بیرگن سونگی ناقرارلیک لرگه اولر جدی سعی وحرکت قیلیش لرینی ادعا قیلیب وعملیات جریانیده عادی اهالی گه ضرر ییتکزیلمسلیگی اوچون جدی اعتبار قره ته یاتگنلری نی معلوم قیله دی . عین حالده بدخشان ولایتی نینگ پلیس باشلیغی جنرال فضل الدین عیار روی بیرگن ناقرار لیک لرگه اوزامکانیت لریگه قره ب سعی وحرکت قیلگن لرینی تأکیدلب بوباره ده قوییده گیچه سوز یوروتدی. نمایش نیچه ساعت دن سونگ نهایه تاپتی ، لیکن نمایش چی لر اگرده بیزلر نی طلب لریمیزگه قانعقرلی جواب بیریلمسه اوز نمایش لریمیزنی دوام بیره میز دیدیلر. ایتیلیشچه بونمایش یمگان ولسوالیگی نینگ طالبان نظارتیدن دولت اختیاریگه اوتکزیشدن سونگ یولگه قوییلگن. معلومات لرگه کوره هلی هم یمگان وجرم آره سیده جایلشگن شاه یول ناقرار لیک لر طفیلی ترافیک یوزی گه یاپیلیب و اهالی نینگ باردی کیلدی لری قیین بولگن .بوایسه اهالی نینگ جدی خواطیرلریگه سبب بولیب کیلماقده.