حقوق شناسلر:جوزا آی اولیدن کرزی نینگ ایش فعالیتی ناقانونی

Image copyright AP

افغانستان حقوق شناس متخصصلری بیرلشمه سی جاری ییل نینگ جوزا آی اولیدن باشلب جمهوررییس کرزی نینگ ایش فعالیتی ناقانونلیگینی تاکیدلب، عملگه آشیره یاتگن ایشلرینی اعتبارگه سزاوار ایمسلیگی نی ایتیشگن.

بوگون کابلده مطبوعات انجمنی اوتکزگن حقوق شناسلر اساسی قانون نینگ 61 بندی اساسیده جمهور رییس کرزی نینگ ایش مدتی دن اوتیز و یا آلتمیش کون آلدین سیلاو یولگه قوییلیشی کیره ک لیگینی تاکیدله گن.

ایریم لری جمهور رییسی کرزی نینگ حقوقی و قانونی صلاحیتلری آلدینگی دیک یوق لیگینی تیلگه آلگن، بیراق بعضی حقوق شناسلر یوزه گه چیققن معما باره سیده قانونده هیچ نرسه ایتیلمه گنی اورغوله گن.

افغان حقوق شناسلری بیرلشمه سی تمانیدن اوتکزیلگن مذکور مطبوعات انجمنی فقط بیرینچی دور سیلاو کمچلیکلرینی تنقید ایتیش و ایککینچی دور سیلاونی یخشی بولیب اوتیشی اوچون یولیشی مناسبتی بیلن قوییلگن ایدی.

اما بو کنفرانس موضوعی خبرنگارلرتمانیدن سوریلگن بیر سوال گه قره تیلدی او ایسه جوزا آی اولیدن جمهوررییسی کرزی نینگ ایش آلیب باریشی ایککی هفته سیلاولر قانونی وقتیدن کیچ یولگه قوییلیشی ایدی.

افغانستان اساسی قانونی نینگ آلتمیش بیرینچی بندیده جمهور رییس نینگ ایشی مدتی بیشینچی ییل وجوزا آی باشیده نهایه تاپیشی قید ایتیلگن. ینگی جمهور رییس سیله نیشی اوچون هم سیلاو جمهور رییس نینگ اوتیز یا آلتمیش کون ایش مدتی دن آلدین یولگه قوییلیشینی اورغولنگن.

افغانستان حقوق دانلر بیرلشمه سی نینگ معاونی جمهور رییس حامدکرزی نینگ ایشی دوام ایتدیریله یاتگنی، قانون گه قرشی بولگنینی اورغوله دی:"اقانون اساسیده جوزا آی نینگ اولی دن آلدین برچه جریان لرنینگ توگه یشی لازم ایدی. ینگی جمهور رییس ایشگه باشلرایدی. بو تیگیلیشی اداره لرنی غفلت قیلگنینی کوره سه ته دی. جمهور رییس آلتی کوندن بیری قانونی گه قرشی عمل قیله دی. قانون آیاق استی بولیشی الدی آلینسین ایدی".

حقوق دانلردن باشقه بیری عین الدین بهادری جمهور رییس کرزی جوزا آی باشیدن آلدین حقوقی و قانونی صلاحیتگه ایگه ایمس لیگینی تاکیدله دی:"جمهورریس کرزی نینگ مشروع لیگینی بو جریان ده سوال آستیگه قویه دی. جمهور رییس نینگ قانونی و حقوقی صلاحیتلری عادی حالت دن فرقلی بوله دی، یعنی بعضی ایشلرنی قیله آلمه یدی، فوق العاده حالتنی اعلان قیله آلمه یدی".

عین حالده، باشقه حقوق دان سبحان مصباح حاضرگی یوزه گه کیلگن وضعیت ده جمهور رییس کرزی نینگ ایشیگه دوام ایتدیریشدن باشقه یول یوق لیگینی ایتدی:"افسوس بیلن باشقه یولی میز، ایری قانون هم بولمه گن، هر بیر قانون ده آلدین دن بیر نرسه یازیلگن بولسه، بیز حقوق دان صفتیده صحبت قیلیشی میز لازم. لیکن قانونده بو باره ده هیچ نرسه ذکر ایتیلمه گن".

هرحالده حقوق دانلر ایسه، افغانستان پارلمانی و قانون ایشلب چیقه ریش اداره لری بو کمچیلیکنی برطرف ایتیشگه امید بیلدیره دی. لیکن افغانستان پارلمانی حاضرگه قدرهم عمومی جلسه ده بوموضوع باره سیده بحث ایتمه گن.