افغانستان دن اوتگن قوراللیلر تورکمنستان اوچ چیگره چینی آتیب اولدیردی

اوتگن آقشام ترکمنستان نینگ چیگره قوریقچیلریدن اوچته سی نامعلوم قوراللی شخصلر تمانیدن آتیب اولدیریلگن.

بادغیس ولایتی دن آلینگن خبرلرگه کوره، قوراللی کوچلر بالا مرغاب اولسواللیگی نینگ خواجه گردو منطقه سیده گی چیگره ده اورنه تیلگن تیکان لی سیم لرنی کیسیب ترکمنستان نینگ چیگره قوریقچی کوچلر قرارگاهیگه هجوم اویویشتیریب، اوچ ترکمن عکسرینی آتیب اولدیرگن.

اسمی فاش ایتیلیشیدن ایستمه گندن بادغیس ولایتی دولتی رسمی لریدن بیری قوراللی شخصلر ترکمنستان چیگره قوریقچیلرینی اولدیرگن دن کیین، اولرنینگ قولیده گی اوچ کلاشینکوف قورالینی هم اوزلری بیلن افغانستان تمان آلیب کیلگنی نی معلوم قیلدی.

حاضرگه قدر افغانستان حکومتی، قوراللی مخالف گروه لر همده ترکمنستان تمانی بو باره بیران نرسه دیمه گن.

بوندن بیر نیچه آی آلدین هم قوراللی طالبان ترکمنستان نینگ اوچ چیگره قوریقچیسی نی شوکبی بیر هجوم ده آتیب اولدیرگندی.

ترکمنستان جمهوریتی افغانستان بیلن 219 کیلومتر قوشمه چیگره ایگه. اونینگ کتته قسمی بادغیس ولایتی بیلن چیگره داش.