هراتده امریکا قونسیلخانه سی خادملریگه هجوم قیلیندی

Image copyright a

بو حادثه ده قونسیلخانه نینگ ایکی خادمی تن جراحتی آلگن. هرات نینگ هوا میدانی جاده سیده قونسیلخانه خادملری کیته یاتگن بیر چاغده، موترلری راکت هجومیگه دوچ کیلگن.

امریکانینگ هرات ده گی قونسیلخانه سی مطبوعات اداره سی مسووللری، هجوم قوراللی طالبان تمانیدن عملگه آشیریلگنی نی معلوم قیلگن.

حادثه شهر یقینیده جایلشگن انجیل تومنی حدودیده یوز بیرگن. تومن حاکمی بشیراحمد نینگ ایتیشیچه، قوراللی هجوم چیلر، هجوم دن کیین موترسایکل بیلن منطقه دن قاچیب کیتیشگه موفق بولگن.

او حادثه یوزه سیدن تیکشیرو باشلنگنی دن هم خبر بیرگن.

حاضرگه قدر حادثه مسولیتی نی هیچ کیم یا گروه اوز بوینیگه المه گن. بوندن قریب تورت آی آلدین قوراللی طالبان امریکانینگ هرات ده گی قونسیلخانه سیگه قرشی گروهی و خودکش هجوم اویویتیشرگندی.

مذکور هجوم ده قریب 3 کیشی اولیب یره لنگندی. خوفسیزلیک جهت دن تنیچ بولگن هرات شهریده اخرگی وقت لرده بونده ی حادثه لر تیز تیز یوز بیریب تورماقده . اوتگن هفته جمعه کونی قوراللی شخصلر هندوستان نینگ هرات ده گی سیاسی وکالتخانه سیگه قرشی هجوم اویوشتیردی.