امریکاعسکرلریدن 9800 ته سی افغانستانده قاله دی

Image copyright Getty

امریکا جمهوررییسی باراک اوباما سه شنبه کونی افغانستان دن اوز قشونلرینی هسته سیکین آلیب چیقیش ایککی ییللیک لایحه سینی اعلان قیلدی. بو اعلانگه کوره، 2014 ییلدن سونگ، امریکا 9800 ته عسکرینی افغانستان ده قالدیریشی ممکن.

سه شنبه کونی آق اویده اعلان ایتیلگن لایحه گه بنآ، امریکالیک عسکرلراسته سیکین مملکت نی ترک ایته دی و فقط 2016 ییلدن سونگ، 1000 عسکر افغانستان ده قالدیریله دی.

بو ایککی ییللیک لایحه گه مطابق، بو تدبیرنینگ عملگه آشیریلیشی افغانستان دولتی خوفسیزلیک بیتیم نینگ امضالنیشیگه باغلیق بولیب، امریکا قالدیره دیگن حربی لر افغان خوفسیزلیک کوچلرینی تیارگرلیک دن اوتکزیش و تیرورچیلیک عملیاتلرنی حمایه ایتیشه دی.

اما هنوزگه افغانستان جمهور رییسی حامدکرزی مذکور بیتیم گه قول قوییمه گن، اما امریکا دولتی سیلاولردن سونگ سیله نه دیگن جمهور رییس بیلن مذکور بیتیم نی امضالشینی امید قیلگن.

باراک اوباما آق اویده قیلگن چیقیشیده، بو ییل اینگ اوزاق مدتلی اوروش نی مسوولیتی روشده یکونله ی میز، دیدی.

او حربی کوچلری نینگ آلیب چیقیش جدولی نی بونده ی کورستیب بیردی.

2015 ییل باشیده 9800 عسکر افغانستانده قاله دی.

2015 ییل نینگ اداغیده کمیده بو عسکرلرنینگ یریم قسمی یعنی 5000 ته سی کابل و بگرام قرارگاه لریده قاله دی.

2016 ییل نینگ آخریده 1000 ته عسکر امریکانینگ کابل ده گی ایلچیخانه سی نی حمایه ایتیش مقصدیده همده افغان کوچلرینی همکارلیک قیلیشده قالیشه دی.

امریکا جمهور رییسیگه کوره، بوندن سونگ، شهرلرده، تاغلرده و سایلرده کیزمه قیلیش وظیفه سی افغانستان کوچلری ذمه سیگه قوییله دی.

باراک اوباما اعلان ایتگن عسکرلرسانی، امریکا نینگ حربی یوقاری مرتبه لی قوماندانلری نینگ تکلیفی اساسیده معلوم قیلینگن.