غزنیده ماین پارتلشی عاقبتیده 12 کیشی هلاک بولگن

غزنی ولایت مقاملریگه کوره ،اوشبو ولایت نینگ گیرو اولسواللیگیده توی مراسمیدن قیتگن شخصلر موترلری یول چیککه سیگه اورنه تیلگن ماین بیلن دوچ کیلگن، نتیجه ده 12 کیشی هلاک بولیب و ایککی کیشی هم یره لنگن.

غزنی ولایت حاکمی سوزچیسی شفیق ننگ ساپی حادثه محلی وقت بیلن ساعت توقیز یریم اطرافیده روی بیرگنینی ایتگن.

ساپی جنابلری هلاک بولگن لراکثریسی عیاللربولگنینی معلوم قیلگن. اونینگ ایتیشیچه توی مراسیمیدن قیتگن شخصلر مینگن ایککی تونس رسوملی موتر یول چیککه سیگه ییرلشتیریلگن ماین بیلن دوچ کیلگن.

گیرو تومن حاکمی تلفات لر رقمی بوندن کوره هم کوپ بولیشی ممکن لیگینی تیلگه آلگن.

عینی حالده غزنی ولایتی نینگ پلیس باشلیغی زرور زاهد حادثه نی طالبان گه نسبت بیریب، سیلاو امنیتی نی بوزیش اوچون اولر نینگ شوندی عمللرگه قول اوره یاتگنینی ایتگن.