عبدرب رسول سیاف ایککینچی دور سیلاوده بیطرف قالیشینی اعلان قیلدی

سیلاو بیرینچی دوریده یتتی فایز اواز آلیب تورتینچی اوریننی ایگله گن عبدرب الرسول سیاف ایککینچی دور سیلاو ده طرف سیزقالیشنی ایتیب ،اما طرفدارلرینی عبدالله عبدالله دن حمایت بیلدیریشگه مصلحت بیرگنی ایتیلماقده.

جهادی رهبرلردن عبدرب الرسول سیاف ایتکچی نامزدلر بیریدن حمایت بیلدیریشی ممکن لیگی ایتیلرایدی، لیکن اوبیر بیانات ترقه تیب ایککینچی دور سیلاوده بیطرف قالیشی نی معلوم قیلگن عبدرالرسول سیاف نینگ کمپاین تیمی مسووللریدن داوود کلکانی بی بی سی بیلن بولگن صحبتیده بو قرارباره سیده شوندی فکربیلدیردی

"استاد اوزی هیچ بیرنامزد دن حمایت ایتمسلیگی ممکن، لیکن سیلاو تیمی گه عبدالله عبدالله دن حمایت بیلدیریشینی مصلحت بیردی."

ایککینچی دور سیلاو گه از مدت قالرایکن کمپاین یغینلری هم افغانستان نینگ تورلی ولایت لریده قیزیق بیرشکلده یولگه قوییلیب کیلینماقده. لیکن بوگل کمپاین لر نامزدلر و طرفدارلری اره سیده لفظی تارتشوو لر بیلن بیرگه.

بوگون دایکندی ولایتی گه سفر قیلگن عبدالله عبدالله طرفدارلری حضوریگه رقیبی اشرف غنی احمدزی برنامه لری نی تنقیدلب چیقدی:"مین اقتصاد متخصص دیب ادعا قیلیش کوپ آسان، بیرنیچه جمله ایشتیدیم اونی سیزلرگه ایتیب بیره من، صحبت لرینی بیر بولمییده ایته دی کی دنیا اقتصادی آسیا قره ب حرکت قیلگن ، چین هندوستان دن آت توته دی، حیات یخشی لیگینی تیلگه آله دی. اوییرده هم مین مصلحت بیرگن ایدیم بو ایککی مملکت ترقیاتی نی هم اوزیگه نسبت بیره دی، لیکن افغانستان اوچون اقتصادی برنامه سی یوق.

عینی حالده عبدالله عبدالله نینگ ایککینچی اورین باسری محمد محقق سوزلری جریانیده اشرف غنی احمدزی شخصی حیاتی حقیده هم سوز آچدی:"اشرف غنی روده قاق مین حقارت قیلگنیم یوق اوزی شونداق، یقیلگنیم یوق من دیدی. اوزی هم قاق قوریب قالگن مونه ایککینچی دور کوره میزقنه قندی یقیله دی."

افغانستان مستقل سیلاولر کمیسیونی کمپین جریانیده نامزد لر ابروسی و ملی وحدت گه فتور یتیکزه دیگن سوزلر قوله نیلمسلیگینی نامزد لرو اولر طرفدارلریدن سوره گن ایدی.

بیز بوحقده مستقل سیلاولر کمیسیون مقاملری بیلن هم صحبت قیلیشگه حرکت قیلدیک اما موفق بولمه دیک.

عینی حالده بوگون کابلده ملی متحد حزبی بیر یغین ارقه لی اشرف غنی احمدزی دن حمایتی نی اعلان قیلدی. بو مناسبت بیلن اویوشتیریلگن یغنده چقیش قیلگن اشرف غنی احمدزی اسلامی وجهادی اخلاق مساله سینی رعا قیلیش کیره ک لیگینی تیلگه آلدی:"اسلامی وجهادی اخلاقی میز همه مردم گه حرمت قوییشیگه اوندی دی، دموکراسی بیر تیزم ده قرار مردمگه تیگیشلی مردم قرارینی تهدید استیگه قوییگن هربیرشخص نینگ اوزیگه حرمتی یوق."

اشرف غنی نینگ بیرینچی اورین باسری جنرال عبدالرشید دوستم بوگون شمالی سمنگان ولایتیگه باریب اوز طرفدارلرینی سیلاو گه اشتراک ایتیشگه ترغیب ایتدی.همده او سمنگان گه بارگن جنوبی ولایت لر وکیللریگه اشاره قیلیب ملی بیردملیک نی نظرده توتیش کیرک لیگی اوستیگه تاکید قیلدی.